ପାଦ

ଶରୀରର ଭାର ବହୁଅଛି ନିତି

ତେଜି ମାନ ଅଭିମାନ |

ବିଚରଣ କରେ ଏ ଜୀବ ସଂସାରେ

ସାହାର ଦୁଇଟି ଚରଣ ||୧||

ପାଦ ଦୁଇଟି ନଥିଲେ ହୁଅଇ

ଜୀବନ ତ ଦୟନୀୟ |

ନିନ୍ଦନୀୟ ସିଏ କଦାପି ନୁହଁଇ

ସର୍ବଦା ତ ବନ୍ଦନୀୟ ||୨||

ବିରାଟ ଶରୀର ଉତ୍ପତ୍ତି ହୋଇଲା

ଅଦ୍ଭୂତ ରହସ୍ୟମୟ |

ସଚରାଚର ପ୍ରାଣୀଙ୍କ ଶରଣ

ହୋଇଲା ଚରଣ ଦ୍ୱୟ ||୩||

ପ୍ରଭୂଙ୍କ ମୁଖରୁ ନିସୃତ ହୁଅଇ

ଦିବ୍ୟ ଅମୃତ ବଚନ |

ପାଦରୁ ନିର୍ଝର ହୁଅଇ ଗଙ୍ଗା

କରଇ ଧରଣୀ ପାବନ ||୪||

ଗୌତମ ପତ୍ନୀ ଅଭିଶାପ ଗ୍ରସ୍ତ

ହୋଇ ରହିଲେ ପାଷାଣ |

ବ୍ରହ୍ମପଦ ସ୍ପର୍ଶେ ଦିବ୍ୟରୂପା ହୋଇ

ଅହଲ୍ୟା ପାଇଲେ ଜୀବନ ||୫||

ଗୁରୁଜନଙ୍କର ଚରଣ ମାର୍ଗରେ

ଉର୍ଜା ହୁଏ ନିର୍ଗମନ |

ଚରଣେ ମସ୍ତକ ନମନ କରିଲେ

ହୁଏ ସେ ଉର୍ଜାର ଗ୍ରହଣ ||୬||