ପାଦ ତଳେ ମଥା ନଇଁ ଯାଏ

ଶରତର ଏଇ ଶୁଭ୍ରତାରେ 

ନୀଳନୀଳ ଏଇ ଆକାଶରେ 

ଧଳା ଧଳା ମେଘ ଭାସିଯାଏ 

ପଦ୍ମ ଫୁଲର ପାଖୁଡାରେ 

ମଧୁପର ମଧୁ ଗୁଞ୍ଜନରେ 

ଶେଫାଳି ଫୁଲର ମହକରେ 

ବେଦ ମନ୍ତର ଝଙ୍କାରରେ 

ପାର୍ବଣ ଯେବେ ଆସିଯାଏ 

ଖିଲି ଖିଲି ହସି ପବନରେ 

କାଶତଣ୍ଡୀ ହସେ ନଈ କୂଳେ

ଜ୍ୟୋତ୍ସ୍ନାରେ ଭିଜେ ପୁଲକରେ

ଆନନ୍ଦରେ ମନ ନାଚିଯାଏ 

ମାଆ ଆଗମନୀ ବାର୍ତ୍ତା ଦେଇଯାଏ

ବାଟୋଇ ଘଡିଏ ରହିଯାଏ

କାଶତଣ୍ଡୀ ଦେଖି ହଜିଯାଏ 

ଆଲଟ ଚାମର ସାଜି କାଶତଣ୍ଡୀ 

ଶାନ୍ତି ମୈତ୍ରୀ ପ୍ରୀତି ବାଣ୍ଟୁଥାଏ

ମା' ରୂପ ଆଖିରେ ଦିଶିଯାଏ 

ପାଦ ତଳେ ମଥା ନଇଁ ଯାଏ।