ନୂତନ ସକାଳ

କେତେ ଆନନ୍ଦ ର ଲହରୀ ଆସିଛି

ଜୀବନ ସାଗର କୂଳେ,

ମର୍ତ୍ତ୍ୟରେ ଦେଖିଛି ଅଳକାପୁରୀ କୁ

ଜୀବନ ର ଯାତ୍ରା ବେଳେ l

ଅମରାବତୀ କୁ ରଖିଛି ଦୈତ୍ୟ

ଆଜି ନିଜ କବଳରେ,

ହେଲେ ଜାଣିଥାଅ ଏହା କ୍ଷଣସ୍ଥାୟୀ,

ଅତୀତ ପ୍ରମାଣ କରେ l

ଉତ୍ତପ୍ତ ନିଦାଘେ ଅସ୍ତ ବ୍ୟସ୍ତ ଯଦି

ହୁଏ ଧରଣୀ ର ହିଆ,

ଆସେ ମୌସୁମୀ ଠିକ୍ ପରେ ପରେ 

ଶୀତଳ କରେ ତା' କାୟା l

ସୁଖ ଚିରସ୍ଥାୟୀ ନହୋଇଛି ଯଦି

ଦୁଃଖ କି ହୋଇବ ସ୍ଥାୟୀ,

ଅଧର୍ଯ୍ୟ ନହୋଇ ଅପେକ୍ଷା କରିବା

ନୂତନ ସକାଳ ପାଇଁ l

ହାରି ଯାଇଥିବା ମଣିଷଟି ପୁଣି

ଜିତିବ ଆନନ୍ଦେ ମାତି,

ଅପସରି ଯିବ ଝଡ଼ର ତାଣ୍ଡବ

ଦୁଃଖ ଅନ୍ଧାର ର ରାତି l