Library
Profile
ନୂଆ ଫୁଲ ବଉଳ ବେଣୀ ଗୀତ
ନୂଆ ଫୁଲ ବଉଳ ବେଣୀ ଗୀତ
ସାତ ତାଳ ପାଣି ଭିତରେ ପଙ୍କ ଲୋ....
ଫୁଲ ବଉଳ ବେଣୀ
ତୋ ଚନ୍ଦ୍ର ବଦନ ଦେଖିବା ରଙ୍କ ଲୋ....
ଫୁଲ ବଉଳ ବେଣୀ !
ଚିଠି ଛାଡ଼ି ଛୁଡି ଦେଇଛୁ ସାଙ୍ଗ ଲୋ....
ଫୁଲ ବଉଳ ବେଣୀ
ମନେ ରହୁନାହିଁ ଆଉ ଭାବର ରଙ୍ଗ ଲୋ....
ଫୁଲ ବଉଳ ବେଣୀ !
ଜୁଡା ନାହିଁ ଫୁଲ ରିବନ୍ ଫିତା ଲୋ....
ଫୁଲ ବଉଳ ବେଣୀ
ବବ କଟ୍ ବାଳ ରଙ୍ଗିନ୍ ଛତାଲୋ ....
ଫୁଲ ବଉଳ ବେଣୀ !
ଶାଢି ପିନ୍ଧା ଲାଜ ଦିଶୁନି ଆଉ ଲୋ ...
ଫୁଲ ବଉଳ ବେଣୀ
ଛୋଟ ପୋଷାକରେ ଦେଖାଉ ଭାଉ ଲୋ....
ଫୁଲ ବଉଳ ବେଣୀ !
ପିଜା ଖାଇ ଭୁଲୁ ଚକଟା ଖଇ ଲୋ....
ଫୁଲ ବଉଳ ବେଣୀ
ଚାନ୍ଦ ଭୋଗ ଆଉ ମାଡୁନୁ ଛାଇ ଲୋ....
ଫୁଲ ବଉଳ ବେଣୀ !
ଆତ ପିଜୁଳିର ସୁଆଦ ଛାଡ଼ି ଲୋ....
ଫୁଲ ବଉଳ ବେଣୀ
ଅଙ୍ଗୁର ସେଓକୁ ଖାଉଛୁ ଗଡି ଲୋ....
ଫୁଲ ବଉଳ ବେଣୀ !
ଭେଟା ଭେଟି ନାହିଁ ପଡିଶା ସାଇ ଲୋ....
ଫୁଲ ବଉଳ ବେଣୀ
କ୍ଲବ୍ ଘର ମଜା ନାଚୁଛୁ ଥେଇ ଲୋ....
ଫୁଲ ବଉଳ ବେଣୀ !
ଘୁଉ ଘୁଉ ହସ ଉଛୁଳା ପ୍ରେମ ଲୋ....
ଫୁଲ ବଉଳ ବେଣୀ
କାଲି ପଛେ ହଉ ଜୀବନ ଭ୍ରମ ଲୋ....
ଫୁଲ ବଉଳ ବେଣୀ !
ଚିନ୍ତା ବିବେକକୁ ଦେଇଛୁ ଫାଶି ଲୋ ....
ଫୁଲ ବଉଳ ବେଣୀ
ମନ ଇଛା ଯାହା ପାରୁଛୁ ଖୁସି ଲୋ....
ଫୁଲ ବଉଳ ବେଣୀ !
ନାକରେ ଲଗେଇ ଛିଙ୍କୁଛୁ କେତେ ଲୋ....
ଫୁଲ ବଉଳ ବେଣୀ !
ନିଜ ଭଲ ପାଇଁ ମାତୁଛୁ ଗୀତେ ଲୋ....
ଫୁଲ ବଉଳ ବେଣୀ !
