"ନୂଆ ବରଷ "

ସବୁରି ମନେ ନୂଆ ବରଷ,

ଭରି ଉଠୁଛି ନୂଆ ଉଲ୍ଲାସ ।

ମନେ ଭରିଛି କେତେ ହରଷ, 

ଆସିଯାଇଛି ନୂଆ ବରଷ ।

ହୃଦୟେ ଆସେ ନୂଆ ଉତ୍ସାହ, 

ପୁରୁଣା ବର୍ଷକୁ ହେ ବିଦାୟ ।

ବରଷକେ ଫେରେ ଏଇ ଦିନ, 

କିଣିନେବାରେ ସବୁରି ମନ ।

ରଖି ମନରେ ଭରି ବିଶ୍ୱାସ, 

ଚିନ୍ତା ଦୁଃଖରୁ ନିଅ ଉଶ୍ୱାସ ।

ନୂଆ ବର୍ଷକୁ ଅଭିନନ୍ଦନ, 

ସଂଶୋଧନେ ତ ପରିବର୍ତ୍ତନ ।

ଦେବାନି ଦୁଃଖ କାହା ମନରେ, 

ଯୋଡ଼ିବା ବନ୍ଧୁତ୍ୱର ଡୋରରେ ।

ଅତୀତର ଦୁଃଖ ଭୁଲିଣ ଯିବା, 

ନବବର୍ଷେ ସୁଚିନ୍ତା ଲୋଡ଼ିବା ।

ସଜାଡ଼ି ଏକ ନୂଆ ସୁଯୋଗ, 

ପର ଆପଣା ନ କରି ଭାଗ ।

ସ୍ୱର, ଛନ୍ଦ, ତାଳେ ନୂଆ ଗୀତ, 

ନବ ସପନେ ଗାଅରେ ମିତ ।

ରାଗ, ରୁଷା, ସବୁ ଅଭିମାନ, 

ଭୁଲିଯିବା ଆମେ ଭାବି ସ୍ୱପ୍ନ ।

ନୂଆ ସୂରୁଜ ବୁଣେ ମୁରୁଜ, 

ସାତ ରଙ୍ଗରେ ହୋଇଛି ସଜ ।

ସେହି ରଙ୍ଗରେ ଜୀବନ ଭରି, 

ସାରା ବରଷ ସୁଖ ସୁମରି ।

ପୁରୁଣା ବର୍ଷ ଦେବା ବିଦାୟ, 

ନୂଆ ବରଷ ମନ ଅଥୟ ।

ନାଚଗୀତେ ତ ଖୁସିର ହସ, 

ନୂଆ ପୁଲକେ ନୂଆ ବରଷ ।

ସ୍ମୃତି ଭରିଣ ନୂଆ ଜୀବନେ, 

ହସାଇବା ପଣ ରଖି ମନେ ।

ମନ ରଙ୍ଗରେ ରଙ୍ଗେଇ ଦେବା, 

ପ୍ରଜାପତି ପରି ଉଡ଼ି ବୁଲିବା ।

ଦେବାନି ଦୁଃଖ କାହା ମନରେ, 

ସୁଖ ଭରି ପ୍ରତି ହୃଦୟରେ ।

ଭୁଲି ହୃଦୟେ ବାଦ ବିବାଦ, 

ନୂଆ ବର୍ଷରେ ମିଳୁ ଆନନ୍ଦ ।

ଏ ନୂଆ ବରଷ ଶୁଭ ଦିନ, 

ହସଖୁସିରେ ବିତୁ ଜୀବନ ।