ନୂଆ ବୋହୁ

ବାପଘରକୁ ପର କରି ଆସିଥିବା

ନୂଆବୋହୁଟି ତନୁ ମନ ଏକ କରି

ବନ୍ଧନରେ ବାନ୍ଧିବାର

ମିଠା ମିଠା ଉଦ୍ଦୀପନା

ଚୁପି ଚୁପି ମିଠା କଥା କହି

ଲଜ୍ଜାର ଓଢଣା ଟାଣି

ତା ପାଇଁ ସବୁ ଆଜି ବାଟବଣା

ସମୟର ସ୍ରୋତରେ

ଚୁପି ଚୁପି ପାଉଁଜିର ଶଦ୍ଦ

ଛଳ ଛଳ ହସର ଝରଣା

ମୁଣ୍ତରେ ସିନ୍ଦୂରର ଆଭା

ଗଭାରେ ମଲ୍ଳୀ ମାଳ

ମନରେ ଭକ୍ତି ପ୍ରେମର କାମନା

ବଞ୍ଚିବାର ଗୋଟିଏ ବାହାନା ା

କାହିଁକି କେଜାଣି

ଏଠି ଦୋଷ କାହାର ?

ଏ ସମାଜର ନା

ଏଇ ଜୀବନ ଯାତ୍ରାର

ନା କଡ ଲେଉଟି ଥିବା

ଏଇ ସଭ୍ୟ ସମାଜର

ପରିସ୍ଥିତିକୁ ପାଦ ମିଳାାଇ

ଚାଲିବାକୁ ଚାହୁଁଥିବା

ଏଇ ନୂଆବୋହୁଟିର ?

ଯାହା ବି ହେଉ ବୋହୁ କିନ୍ତୁ ବୋହୁ

ବଦଳିଛି ସିନା ସମାଜ

ଶାଢି ଗହଣା ପରିପାଟୀ

ମନ କିନ୍ତୁ ଆଜି ସେମିତି

ତାକୁ ବୁଝାଇ ପାରିଲେ ହେଲା

ସେ ବି ଦିନେ ଝିଅରୁ ହୋଇଛିି ବୋହୁ

ଶାଶୁ, ଶ୍ୱଶୁରଙ୍କ କର୍ତ୍ତବ୍ୟକୁ

ଆମେ ଆପଣେଇ ନେଲେ

ସେ ହିଁ ହେବ ଆମ ନୂଆବୋହୁ