ନିୟତି ସହ ସାଲିସ - ୨
ନିୟତି ସହ ସାଲିସ - ୨
ସମୟ ପୂର୍ବରୁ
ଫୁଲକୁ ଫୁଟିଯା ବୋଲି କହିବା
ନିରର୍ଥକ ନୁହେଁ ତ ଆଉ କ'ଣ ?
ପାଖୁଡ଼ା ମେଲିବାର ସମସ୍ତ ଉପାଦାନ
ପ୍ରସ୍ତୁତ ହେବା ଆଗରୁ
କେମିତି ଫୁଟିବ ଯେ ଫୁଲ ?
ରାତି ଶେଷ ହେବା ପୂର୍ବରୁ
ସିନ୍ଦୂରା ଫାଟିବା କ'ଣ ସମ୍ଭବ ?
ଆକାଶ ଓ ଧରିତ୍ରୀ ର ମିଳନ ପରେ
କଅଁଳିଆ ସୂର୍ଯ୍ୟ ଉଇଁବା ଯେମିତି
ମା ର ଗର୍ଭ ଫାଡ଼ି
ଶିଶୁ ଟିଏ ଜନ୍ମ ନେବା ସେମିତି।
ସ୍ୱପ୍ନ ଜୁଡ଼ୁବୁଡ଼ୁ ବିଭୋର ରାତିର ଇସାରାରେ
ଆସି ପାରିବକି ଅରୁଣିମା
ସମୟ ପୂର୍ବରୁ ?
ଫୁଲ ଫୁଟିବା ଅବା ଝଡ଼ିବାର
ପତ୍ର କ ଅଁଳିବା ଅବା ପତ୍ର ଝଡା଼ ହେବାର
ବେଳ କ'ଣ କାହା ହାତରେ ଅଛି ?
ସବୁ କିଛି ତ ବିଧି ନିର୍ଦ୍ଧାରିତ ଏଠି !
କାହିଁକି ତେବେ ବୁଝେନା ମନ
ପ୍ରୃଥିବୀ ବ୍ରୃତ୍ତର ଆରମ୍ଭ ଯେଉଁ ବିନ୍ଦୁରୁ
ଶେଷ ବି ସେଇ ବିନ୍ଦୁ ରେ
ସମସ୍ୟା ର ସ୍ରଷ୍ଟା ଯିଏ
ସମାଧାନ ବି ତ ତାହାରି ହାତରେ.......!