ନିଷ୍ଠା ଓ ଲକ୍ଷ୍ୟ

ସରବ ଜନଙ୍କ ଜୀବନ ମଧ୍ୟରେ 

   ଲକ୍ଷ୍ୟ ଏକ ଚିରସ୍ଥାୟୀ

ନିଷ୍ଠାପର ହୋଇ କାର୍ଯ୍ୟ କଲେ ସଦା

   ଏହା ସହଜେ ମିଳଇ ।

ଲକ୍ଷ୍ୟହୀନ କର୍ମ ସଫଳ ହୁଏନି

   ଯେତେ ପରିଶ୍ରମ କଲେ

ବିଳମ୍ବିତ କାର୍ଯ୍ୟ ସିଦ୍ଧି ହୋଇଥାଏ

   ନିଷ୍ଠା ଯହିଁ ଏଠି ଥିଲେ ।

ସାହିତ୍ୟ ବିଜ୍ଞାନ ସମାଜ ସେବାରେ

   ସବୁଥିରେ ନିଷ୍ଠା ଲୋଡ଼ା

ଲୋକ ଦେଖାଣିଆ କାମ କରୁଥିଲେ

    ହୁଏ ସବୁଠି ଅଲୋଡା ।

ନିଜ ଲକ୍ଷ୍ୟ ସ୍ଥଳେ ପହଂଚିବା ପାଇଁ

   କାର୍ଯ୍ୟ କରନ୍ତି ସରବେ

ଇପ୍ ସିତ ଲକ୍ଷ୍ୟଟି ପାଇ ଗଲାପରେ

   ଜୀବନର ତୃପ୍ତି ଲଭେ ।

ନିଷ୍ଠା ଲକ୍ଷ୍ୟ ଦ୍ବୟ ଅଭିନ୍ନ ଅଟନ୍ତି

   ସକଳ ପ୍ରାଣୀଙ୍କ ପାଇଁ

ଜୀବନର ପ୍ରତି ମୁହୂର୍ତ୍ତରେ ଏହା

   ସଦା ବିକାଶ କରଇ ।