ନିଷ୍ଠା ଆଉ ଲକ୍ଷ୍ଯ

ସଭିଏଁ କହୁଛ କି ନିଷ୍ଠା ଓ ଲକ୍ଷ୍ଯ 

ଜୀବନର ଅସଲ ଚାବିକାଠି ହେବା ଉଚିତ୍।

ଯଦି ଏହା ହିଁ ସତ୍ଯ

ତେବେ ସଭିଏଁ ପ୍ରଧାନମନ୍ତ୍ରୀ ହୋଇଯିବେ 

ଅଥବା ରାଷ୍ଟ୍ରପତି,ନୁହେଁ?

ମୁଁ ତ କହିବି  

ଯଦି ସଭିଏଁ ଉଚ୍ଚ ପଦବୀରେ ବସିବେ

ନୀଚ୍ଚ ପଦବୀ ମଣ୍ଡନ କରିବ କିଏ?

ଅତଏବ ! 

ନିଷ୍ଠା ଓ ଲକ୍ଷ୍ଯ ଅବଶ୍ଯ କରଣୀୟ

ହେଲେ ସଫଳତା ଈଶ୍ବରଙ୍କ ହାତରେ

ଯିଏ କ୍ଷଣକେ ଆଲୁଅ,କ୍ଷଣକେ ଅନ୍ଧାର

କରିବାରେ କୁଆବୁଆ।

ଆଜ୍ଞା ! 

ଦେଖୁନ

ମୋର କର୍ମର ଏ ଫଳକୁ

ଭାବିଥିଲି ନିଷ୍ଠା ଓ ଲକ୍ଷ୍ଯରେ ଯାଉଛି

ହେଲେ ଭଣଭଣ ରୋଗ

ବସିବା,ଉଠିବା,ଖାଇବା ଅଥବା ପିଇବା

ଭୟଙ୍କର ବିଷଠୁ ବଳି

ନିତି ଘଡିଏ ମରୁଛି,ଘଡି଼ଏ ବଞ୍ଚୁଛି।

ତଥାପି ନିଷ୍ଠା ଓ ଲକ୍ଷ୍ଯରେ ଚାଲିଛି

କାଳେ ପାଇଯିବି ଅମୃତର ଟୋପେ

ପିଇଯିବି ଢକଢ଼କ

ଯେମିତି ଚାତକ ଅନେଇଥାଏ ବର୍ଷାକୁ।

ଏଠି ଶୁଷ୍କ ଡାଳ ଗଜ୍ଜୁରିବ

ଫୁଟି ଉଠିବ ଫୁଲ ଆଉ ଫଳ

ଛାଇ ହୋଇଯିବ ଏ ଧରାକୁ 

ଝଙ୍କାଳିଆ ବରଗଛ ପରି।