ନିର୍ବାଚନ

ପାଖେଇ ଆସିଲା ନିର୍ବାଚନ ବେଳ

     ପ୍ରଚାରଟା ଘାଇଁ ଘାଇଁ

କୋଭିଡ଼୍ ନିୟମ  ପୋଡ଼ି ଖାଇକିରି

     ବୁଲୁଥିବେ ସାଇଁ ସାଇଁ ।

ଦଳ ଦଳ ହୋଇ  ଭିଡ ଜମେଇକି

     ଉଡାଇ ଚିହ୍ନର ବାନା

କହି ବୁଲୁଥିବେ  ହେଇଟି ଭାଇନା

     ଏଇଟା ଆମରି ନନା ।

ଆମକୁ ଭୋଓଟ ଦିଅ ତୁମ ମାନେ

    ଆମେ ଅଛୁ ତୁମ ସାଥିରେ

ମଦ ମାଂସ ଖାଇ ଅଲଜୁକ ହୋଇ

   ଗଡିଯିବେ ସିଏ ରାସ୍ତାରେ ।

ଏମିତି ଲୋକକୁ ଭୋଟ ଦେବା ଯଦି

     ଯିବା ଆମେ ରାସ୍ତା କଡ଼କୁ

ତେଣୁ ସଚେତନ  ହୁଅ ସର୍ବ ଜନ

     ବୁଝାଇ କହିଲି ତୁମକୁ ।

ଉତ୍ତମ ପ୍ରାର୍ଥୀଟେ ବାଛିବା ଯେ ଆସ

     ଆସୁଅଛି ନିର୍ବାଚନ

ତାଙ୍କ ପାଇଁ ପାଞ୍ଚ ବର୍ଷ ହେଲେ ମଧ୍ଯ

    ଆମର ଗୋଟାଏ ଦିନ ।