ନିର୍ଵାଣ
ନିର୍ଵାଣ
1 min
11.7K
ସିନ୍ଦୁରା ଫାଟିବା ମାତ୍ରେ
ସମୁଦ୍ରର ସୁନେଲି ଢେଉରେ
ଧୋଇ ହୋଇ ଯାଏ
ନୈରାଶ୍ୟର ଆବର୍ଜନା ତକ,
ଅସୁମାରୀ ଆଶାର
ଲହରୀ ବ୍ୟାପି ଯାଏ
କୋଟି କୋଟି ଜୀବସତ୍ତାରେ,
ଆଃ ! ଏ କି ଅପୂର୍ଵ
ଶିହରଣ ଖେଳି ଯାଏ
ପୃଥିବୀରୁ ଆକାଶ ଯାଏଁ,
ଶତ ସିଂହର ବଳ
ଉଦ୍ରେକ ହୁଏ
ଅନ୍ଧକାରରେ ରହୁଥିବା
ଅସହାୟ ମଣିଷ ଭିତରେ l
ଏ ଖାଲି ସୂର୍ଯ୍ୟୋଦୟ
ନୁହଁ ସମୁଦ୍ର ବକ୍ଷରେ, ଅବା
ଦୂର ପାହାଡ ପାର୍ଶ୍ୱରେ,
ଏ ଯେ ଭାଗ୍ୟୋଦୟ
ଘେନି ଆସେ
କୋଟି ଜନ ମାନସରେ l
ହେଇପାରେ, ନୂଆ ଏକ
କୋଣାର୍କର ନିର୍ମାଣ,
ଅବା ହେଇପାରେ
ସୁନାର ଭାରତ ଗଠନ,
କିମ୍ବା ମାନବତାର
ଚରମ ପ୍ରାପ୍ତି ନିର୍ବାଣ l