ନିଜକୁ ନିଜେ ତୁ ଚିହ୍ନ

• କବିଶ୍ରୀ ପ୍ରଫୁଲ୍ଲ ଚନ୍ଦ୍ର ମିଶ୍ର , ମଙ୍ଗଳାଯୋଡି , ଖୋର୍ଦ୍ଧା ,।

• ---------- -------------------- ----------

• ମନ‌ ମନ୍ଦିର ର ହୃଦୟ ପଦ୍ମରେ ରତନର ସିଂହାସନ

• ସେହି ସିଂହାସନେ ବିଜେ କରିଛନ୍ତି ମହାପ୍ରଭୁ ନାରାୟଣ

• ଦେଖିଲେ ବୁଝିଲେ ରେ ଅବୁଝା ମନ ଲଭିବୁ ବୈକୁଣ୍ଠ ଧାମ

• ମନ ମନ୍ଦିରର ହୃଦୟ ପଦ୍ମରେ………।।

•

• ନିଜକୁ ଚିହ୍ନିଲେ ସବୁ ବୁଝିଯିବୁ ନିଜକୁ ତୁ ଆଗ ଚିହ୍ନ

• ନହେଲେ ଜୀବନେ ଉପଭୋଗ ନାହିଁ ଅବୁଝା ଗଣିତ ସମ

• ଅଛିଣ୍ଡା ଅଙ୍କ ଏ ଜୀବନ ନାଟକ ବିଅର୍ଥ ହେବ ଜୀବନ

• ମନ ମନ୍ଦିରର ହୃଦୟ ପଦ୍ମରେ…….।।

•

• ଅଙ୍କାବଙ୍କା ଏହି ସଂସାର ର ପଥ ଚାଲିବା ବଡ଼ ଗହନ

• ଖାଲ ଖମା ଆଉ ଅନ୍ଧାର ଆଲୁଅ ବିଧି ନିର୍ବନ୍ଧ ବିଧାନ

• ମୁକତି ପାଇବା ପାଇଁ ଲୋଡା ଧନ ନିଜକୁ ନିଜେ ତୁ ଚିହ୍ନ

• ମନ ମନ୍ଦିରର ହୃଦୟ ପଦ୍ମରେ……..।।

•

• ନିଜକୁ ନିଜେ ତୁ କିପରି ଚିହ୍ନିବୁ ସରଳ ଉପାୟ ମାନ

• ଖଞ୍ଜି ଦେଇଛନ୍ତି ବିହି ଏ ସଂସାରେ ପାଇବୁ କରିଲେ ଧ୍ୟାନ

• ସତ୍ୟ ଧର୍ମ ନ୍ୟାୟ ପଥର ପଥିକ ହୁଅତୁରେ ମୋର ଧନ

• ମନ ମନ୍ଦିରର ହୃଦୟ ପଦ୍ମରେ…….।।

•

• ରେ ଅବୁଝା ମନ ଶୁଣ ମୋ ବଚନ ସେ ପରା ବିଶ୍ଵ ଜୀବନ

• ପ୍ରତିକ୍ଷଣେ ବିରାଜିତ ନିରନ୍ତର ତୋ ହୃଦୟ ସିଂହାସନ

• କହଇ ଅଜ୍ଞାନୀ ପ୍ରଫୁଲ୍ଲ ରେ ମନ ନିଜକୁ ନିଜେ ତୁ ଚିହ୍ନ

• ମନ ମନ୍ଦିରର ହୃଦୟ ପଦ୍ମରେ…….।।