ନୀରେ ନିରଞ୍ଜନ
ନୀରେ ନିରଞ୍ଜନ
ଦୁଃଖେ ନୀର ସୁଖେ ନୀର
ଜୀବନର ସକଳ ଆଧାର,
ଯହିଁ ଦେଖ ତହିଁ ନୀର
ନୀରେ ଗଢ଼ା ହୋଇଛି ସଂସାର ।
ଜାତିଜାତି ଉତ୍ସ ଦେଖ
ବିଭୁ କୃପା ଅପାର ପ୍ରତ୍ୟକ୍ଷ,
ନର ବୁଦ୍ଧି ମାନ ରଖ
ସ୍ବାର୍ଥ ହେତୁ ହୁଅ ନାହିଁ ରୁକ୍ଷ।
ଅକାରଣେ ଲଟଘଟ
ଭୁଲି ଭୁଲାଇ କର ଉଚ୍ଚାଟ,
ଅସ୍ବଚ୍ଛ ହେଲାଣି ରାଷ୍ଟ୍ର
ଦେଖ ହେ ଲଜ୍ଜାବନତ ରାଟ !
ବିପୁଳା ହେଲେ ଆକୁଳା
ବେଜବାବେ ନାଶ ହେବ ଭେଳା,
ଭୋଗତୃଷ୍ଣା ହଳହଳା
ନ ରଖିବ ତୁମ ଭଲ ଭେଲା ।
ସାବଧାନ !ସାବଧାନ !
କର ସାଧୁ ଚିନ୍ତନେ ମନ୍ଥନ,
ସ୍ବଚ୍ଛତା ହିଁ ସନାତନ
ପରିମଳ ଦୈବ ନିଦର୍ଶନ ।
ନର ପାଇଁ ନୀର ଫଳ
ଦୈବ ଦତ୍ତ ଅଫୁରନ୍ତ ବଳ,
କରିବାନି ହୀନ ଖେଳ
ଗଢ଼ିଦେବା ସ୍ବଚ୍ଛ ପରିମଳ ।
*ପ୍ରଶାନ୍ତ କୁମାର ସାହୁ ,ଛତ୍ରଗଡ଼,ଖୋର୍ଦ୍ଧା*