ନୀଳାଚଳ ନାଥ ହେ ଚକାନୟନ
ନୀଳାଚଳ ନାଥ ହେ ଚକାନୟନ
1 min
177
ନୀଳାଚଳ ନାଥ ହେ ଚକାନୟନ
ଦୁଃଖୀ ପରିତ୍ରାଣ ହେ ଦୁଃଖ ନାଶନ
ତୋପାଦେ ପ୍ରଣତି ହେବି ମୁଁ ଭାଜନ
ଭକତି ଭାବରେ ଭରିବି ନିକ୍ଵଣ
ମାଗୁଛି ଏତିକି ମୋତେ ତୁ ଦେଖିବୁ
ମୁଁ ତୋତେ ଦେଖିବି ମନେ ଭାବୁଥିବୁ
ଭାବେ ଭାବ ରଖି ଭାବରେ ଭାସିବି
ତୋ ପାଦ ପଦ୍ମରେ ସଦା ରହିଥିବି
ତୋ ଫୁଲ ତୁଳସୀ ତୋତେ ଦେବି ବୋଲି
ସରାଗେ ସଜାଇ ମନ୍ଦିରେ ରଖିବି
ଆଶା ଏତେ ଟିକେ କରୁଛି କରିବି
ତୋଛଡା ତୁଳସୀ ପାଇ ଧନ୍ୟ ହେବି
ରୁଚି ନାହିଁ କିଛି ଅଭଡା ଖୋଜୁଛି
ତୋତେ ଦିଆ ଅନ୍ନ ଅଭଡା ମାଗୁଛି
ତୋପାଖେ ତୋ ଅନ୍ନ ଭୋଗ ହେବ ଯାଇ
ସେ ଭୋଗ ଆଶାରେ ରହିଛି ଆନାଇ