Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Ansuman Swain

Children Stories

4  

Ansuman Swain

Children Stories

ନୀଳ ସରସୀରେ ନୀଳ କହ୍ନାଇ

ନୀଳ ସରସୀରେ ନୀଳ କହ୍ନାଇ

1 min
240


ନୀଳ ସରସୀରେ ନୀଳ କହ୍ନାଇ ସେ

   ତୁମେ ତା ଯଶୋଦା ମାତା

ସ୍ନେହ ଆଦରରେ ନିଅ ତାକୁ ତୋଳି

   ମଣେ ସେ ଜଗତ ଜିତା ।


ଲବଣୀ ଚୋରା କୁ ନଟ ନାଗର ସେ

     ଦେବକୀର ଗଣ୍ଠି ଧନ

ଯମୁନା କୁଳିଆ ସେ ନିଳାଚାଳିଆ

   ଗୋପିଙ୍କ ପ୍ରାଣ ସ୍ପନ୍ଦନ ।


ଗିରି ଗୋବର୍ଦ୍ଧନ ବାମ କରେ ଧରି

   ଇନ୍ଦ୍ର କୋପୁ ରକ୍ଷାକଲେ

ଗୋପ ନର ନାରୀ ଆନନ୍ଦ ମନରେ

     କୃଷ୍ଣ କୃଷ୍ଣ ଭଜି ହେଲେ ।


ବଡ଼ ଦେଉଳିଆ ସେ ଚକାଆଖିଆ

      ସୁଦାମର ପ୍ରିୟ ବନ୍ଧୁ

ଦ୍ରୋପତିକୁ ପୁଣି କୋଟି ବସ୍ତ୍ର ଦେଇ

      ପାରିକଲେ ଭବ ସିନ୍ଧୁ ।


ଗଜକୁ ଉଦ୍ଧାରୀ କୁମ୍ଭୀର ମୁଖରୁ

    ଦେଇଥିଲ ତୁମେ ମୁକ୍ତି

ମାଣିକ ହାତରୁ ଦହି ପାନକଲ

     ପାଇଗଲ ମହାଶାନ୍ତି ।


ଦାସିଆ ବାଉରୀ ଭୁଜେ ଟେକିଦେଲା

      ଶ୍ରୀଫଳ ନେଲ ଆଦରେ

  ତୁମେ ଜଗଦିଶ ଭକତ ପ୍ରେମିକ

       ଜୁହାର କୋଟି ଛାମୁରେ ।


Rate this content
Log in