ନଈ

ମନେ ପଡେ ଆମ ଗାଆଁ ନଈ କଥା

ଦେଖି ପାରୁନାହିଁ ଲାଗେ ମନେ ବ୍ୟଥା

ନଈ କାହିଁ କେଉଁ କାଳୁ ବହି ଯାଉଛି

ସୁଦୂର ଝରଣାରୁ ଝରି ଆସିଛି

ଆମ ଗାଆଁ ନଈ ରହିଛି ସାକ୍ଷୀ ହୋଇ ଆମର

ଦେଖିଛି କେତେ ଦୁଃଖ ସୁଖ ଦ୍ରଷ୍ଟା ହୋଇ ଆମର

ନଈ କୂଳ ପରିବେଶ ଲାଗେ ଭାରି ସୁନ୍ଦର

ପାହାଡ଼ ବୃକ୍ଷ ପାଶେ ରହି କରୁଛି ମନୋହର

ଅଙ୍କା ବଙ୍କା ହୋଇ ବହି ଯାଇଛି ସେ ଆଗକୁ

ତାର ଶୀତଳ ଜଳ ପବିତ୍ର କରେ ଦେହ ମନକୁ

ସେଇ ନଈ କୂଳେ ନାରୀ ମାନେ କାର୍ତ୍ତିକ ମାସେ ବାଲୁକା ପୂଜନ୍ତି

ମାସକ ଯାକ ଧର୍ମ ସେଠି ପାଳନ କରନ୍ତି

ବର୍ଷା ଦିନେ ନାଉରିଆ ଭାଇ ନାଆ ପକାଏ

ନଈ ସେ ପାରିକୁ ପାରି କରାଇ ଦିଏ

ପାର୍ବଣ ଋତୁରେ ଦେବା ଦେବୀ ସେଠି ବିସର୍ଜନ ହୁଅନ୍ତି

ଆଶ୍ଵିନ ମାସେ ଲୋକେ ସେହି ସ୍ଥାନେ

ପିଣ୍ଡ ଭସାନ୍ତି

ଆମ ଗାଆଁ ନଈରେ କେବେ ବନ୍ୟା ଆସି କରିନି କ୍ଷତି

ଆମ ଗାଆଁ ନଈ ଆମର ପ୍ରାକୃତିକ ସମ୍ପତ୍ତି