ନିବିଡ଼ତା

ଅନବରତ  ଝିପିଝିପି ବରଷା

ତୁହାକୁ ତୁହା ଶୀତଳ ମୃଦୁ ସଲିଲ

କୃଷ୍ଣ ବର୍ଣ୍ଣ ରେ ଆଚ୍ଛାଦିତ ଆକାଶ

ମଧ୍ୟେ ରୂପେଶୀ ସୁବର୍ଣ୍ଣ ଚପଳା

ନିବିଡ଼ତାର ଏକ ସ୍ୱରୂପ

ମଧୁମୟ ଆବେଗର ଏକ ନିରାକାର ନୀର

ଡ଼ହ ଡ଼ହ ଗ୍ରୀଷ୍ମଝାଞ୍ଜି

ଅନବରତ ପ୍ରବାହିତା ଅଗ୍ନିବର୍ଷାର କରାମତି

ପ୍ରଚଣ୍ଡ ରୁଦ୍ରତାତିରେ ସିଝା ସିଝା ଗଗନ

ମଧ୍ୟେ ଲୁଚି ଯାଇଥିବା ଜହ୍ନ

ନିବିଡ଼ତାର ଏକ ସ୍ୱରୂପ

ଅଗ୍ନି ସମ୍ମୁଖେ ସାତଗଣ୍ଠି,ସାତସୁର

ସାତ ବଚନର ଏକ ରୂପରେଖ

ଶୁଷ୍କ ନୟନ ଯୁଗଳ, ଶିଳିତ ହୃଦୟ

ବିନା ଗରଜନେ କରୁଥିବା ରୋଦନ

ଦ୍ରୁତ ଗତିରେ ପାଲଟୁଥିବା ଶ୍ମଶାନ

ମଧ୍ୟେ ବେଳ ଅବେଳରେ ଝରୁଥିବା ମଧୁମୟ ସ୍ମୃତି

ନିବିଡ଼ତାର ଏକ ସ୍ଵରୂପ

ଶୁଷ୍କ ମୃତ୍ତିକାରେ ଅଙ୍କୁରିତ ସମ୍ପର୍କ ବୀଜ

ନିବିଡ଼ତାର ଏକ ସ୍ବରୂପ

କୃତ୍ରିମ ସିଲଟରେ

ସୃଷ୍ଟିର ମଧୁମୟ ମୂର୍ଚ୍ଛନାର ଏକ ପ୍ରାକୃତିକ ଅଲିଭା ଲେଖ।