ନିବେଦନ

ଶୁଣ ଶୁଣ ଆହେ ସରକାର ଆମ

  ଦେଇ ଟିକେ ମନ କାନ

ସୁରାଟ ରାଇଜ ଶ୍ରମିକ ମାନଙ୍କ

    ଦୁଃଖ କର ସମାଧାନ

କେତେ ରାଇଜରୁ ଆସି ସୁରାଟକୁ

    ଖଟନ୍ତି ହୋଇ କର୍ମଠ

 କାମ ପାଇଁ ସିନା ରହୁଛି ଏଇଠି 

    ଭୋଗିକି ବିରହ କଷ୍ଟ    

ସେଇ ଯେ ଶ୍ରମିକ ତୁମ ନିୟମକୁ

    ଦେଇ ଆଜି ସନମାନ

ଜୀବନଟା ଆଜି ହୋଇଛି ତାଙ୍କରି

    ପଶୁ ଠାରୁ ହୀନିମାନ

    ନାହିଁ ପରିବାର ଜନ 

କି ଲାଭ ବଞ୍ଚିବା ମାଆ ବାପା ବିନା

   କୋରନା ନେଉ ଜୀବନ....

ସେଥି ପାଇଁ ଆଜି ଆହେ ସରକାର

    ଘେନ ଆମ ନିବେଦନ

ସବୁ ଶ୍ରମିକଙ୍କୁ  ନିଜ ନିଜ ରାଜ୍ୟ

    ଛାଡନ୍ତୁ କରି ଯୋଜନା

ଏକୋଇଶି ଦିନ ଲକ୍ ଡାଉନ୍ ଛାଡି

    ଛଅ ମାସ କଲେ ମଧ୍ୟ

ତୁମ ନିୟମକୁ   ଦେବୁ ସନମାନ

    ଭାଙ୍ଗିବୁନି ଜମ୍ମା ଧୈର୍ଯ୍ୟ 

ଚିନ୍ତାଗ୍ରସ୍ଥ ହୋଇ ମାନସିକ ଚାପ

    ବଢ଼େ ଏଠି ଦିନୁ ଦିନ

ସେଥି ପାଇଁ କହୁ ମୋଦି ସରକାର

    ହେଉ ଆର ସମାଧାନ