ନିବେଦନ

ଦୟାକର ଦୟାକର ଆହେ 

ଗୁରୁଜୀ ଓ ଗୁରୁମାତା 

ତୁମ୍ଭେ ପରା ଅଟ ଯେ ଆମ୍ଭର 

ଭବିଷ୍ୟ-ଭାଗ୍ୟ-ବିଧାତା। 

ଶିକ୍ଷା ଦାନ-ମହା ପୂଣ୍ୟ ଅଟେ 

ଏହି ମହୀ ମଣ୍ଡଳରେ  

ସେହି ପୂଣ୍ୟ ଫଳେ ଆମ୍ଭ

ଅଜ୍ଞାନ ହୁଅଇ ଦୂରେ। 

ସର୍ବଶିକ୍ଷା ଅଭିଯାନ ନୀତି 

ସରକାରଙ୍କର ଏହି  

ସର୍ବେ ପଢି-ସର୍ବେ ବଢି ଦିନେ  

ପାଳିବେ ଯେ ଏହି ମହୀ। 

ସଂସ୍କାର ଆଚାର ବ୍ୟବହାର 

ଶିକ୍ଷାର-ମହତ-ଗୁଣ  

ସେହି ଗୁଣ ତୁମ୍ଭ ଠାରୁ ଆମ୍ଭେ

କରିବାକୁ ହେ ଗ୍ରହଣ। 

ଅଧମ ଅକ୍ଷମ ଅବୋଧ ଅଟୁ  

ଆମ୍ଭେ ଯେ ବିଦ୍ୟାର୍ଥୀଗଣ  

ତୁମ୍ଭ ଗୁଣେ ଆମ୍ଭ ଜୀବନ ଯେ 

ହୋଇବ ପରିପୂରଣ। 

ଦିଅ ସଦ୍-ବିଦ୍ୟା-ବୁଦ୍ଧି-ଜ୍ଞାନ 

ଭରି ଆମ୍ଭ ଜୀବନରେ  

ରଖିବାକୁ କୁଳ-କୀର୍ତ୍ତି ନାମ 

ଏହି ସାରା ପୃଥିବୀରେ। 

ଆଳସ୍ୟ-ନିଦ୍ରାକୁ ପରିହାର 

ଆମ୍ଭଙ୍କୁ ଯେ କରିବାକୁ  

ଉପଦେଶେ କହିଛନ୍ତି ପରା 

ଶିକ୍ଷାର୍ଥୀର ଗୁଣ ହେତୁ। 

ଆପଣା ବଚନକୁ ଅପଣେ 

ଏହି ବେଳେ ରଖିବାକୁ  

ଉଠି ଯାଆନ୍ତୁ ହେ ଗୁରୁମାତା 

କରୁ ପ୍ରାର୍ଥନା ତୁମ୍ଭଙ୍କୁ।