ନବାଙ୍କ ବେଶ
ନବାଙ୍କ ବେଶ
ମକର ସଂକ୍ରାନ୍ତି ପୂର୍ବ ଦିନ ହୁଏ
ପ୍ରଭୁଙ୍କ ନବାଙ୍କ ବେଶ
ଗେଣ୍ଡୁ ଫୁଲ ମାଳ ଭାଇ ଭଗ୍ନୀ ସଙ୍ଗେ
ପିନ୍ଧି ଥାନ୍ତି ପୀତବାସ ।
ସେହି ଦିନ ସନ୍ଧ୍ୟା ଆଳତି ବେଶରେ
ଖୁଣ୍ଟିଆ ଓ ପୁଷ୍ପାଳକ
ସଜ୍ଜାନ୍ତି ପ୍ରଭୁଙ୍କୁ ନବାଙ୍କ ବେଶରେ
ଶ୍ରୀଚୈତନ୍ୟ ପ୍ରବର୍ତ୍ତକ ।
ଶଂଖ ଚକ୍ର ହଳ ମୂଷଳ କୁଣ୍ଡଳ
ତଡଗି ଇତ୍ୟାଦି ପାଇଁ
କଇଥ ଅଠାରେ ଜରି ସାହାଯ୍ୟରେ
ଲାଗି ଯେ ପ୍ରସ୍ତୁତ ହୋଇ ।
ଠାକୁର ଶୀର୍ଷରୁ ରତ୍ନ ସିଂହାସନ
ଗେଣ୍ଡୁ ଫୁଲରେ ସଜ୍ଜିତ
ଚାଉଳ ମେଲାଣ ଓ ପୁଷ୍ପ ମେଲାଣ
ସେହି ଦିନ ଅନୁଷ୍ଠିତ ।
ଶ୍ରୀପୟର ମାଳା ଓ କରପଲ୍ଲବ
ଚିତା ଓ ଅଧରମାଳା
ପାଞ୍ଚଟି ସ୍ଥାନରେ ଦରକାର ହୁଏ
ଦଶ ପନ୍ଦର ମାଳା ।
ଚୂଳ ଓ ଟୋପର ତୁଳସୀ ପତ୍ରରେ
ହୃଦ ପଦକ ମିଶ୍ରିତ
ଗେଣ୍ଡୁ ଫୁଲ ଆଉ ଗୋଲାପ କଢରେ
ହୁଏ ପଦକ ପ୍ରସ୍ତୁତ ।
ଏହି ଦିନେ ପରା ଗେଣ୍ଡୁ ଫୁଲ ମିଳେ
ପ୍ରଚୁର ପରିମାଣରେ
ସେଥିପାଇଁ ଏହା ବ୍ୟବହୃତ ହୁଏ
ଏହି ନବାଙ୍କ ବେଶରେ ।
ଏହି ସମୟରେ ଦକ୍ଷିଣ ଗୃହରୁ
ମଦନ ମୋହନ ଆସି
ପ୍ରଦକ୍ଷିଣ କରି ଆଜ୍ଞାମାଳ ନେଇ
ପଲକିରେ ଯିବେ ବସି ।
କରି ପ୍ରଦକ୍ଷିଣ ସାଢ଼େ ଚାରି ଥର
ଶ୍ରୀମନ୍ଦିର ବେଢା ଟିରେ
ଫେରି ଯିବେ ସିଏ ତାଙ୍କର ସ୍ଥାନକୁ
ରହିବେ ଦକ୍ଷିଣ ଘରେ ।