ନାସ୍ତିକ

ଉଠାଣି ଗଡାଣି ଦେଇ

ବୋହିଗଲା ପାଣିକୁ

ଅଟକାଇବାକୁ ଯାଇ

ମୁଁ ଯେବେ ନାସ୍ତିକ ହୋଇଛି

ତେବେ ହଁ ମୁଁ ନାସ୍ତିକ।

ସବୁ ଧର୍ମର ଆଗେ

ବଞ୍ଚିବାର ମୋହକୁ

ଚରିତାର୍ଥ କରିବାକୁ ଯାଇ

ମୁଁ ଯେବେ ନାସ୍ତିକ ହୋଇଛି

ତେବେ ହଁ ମୁଁ ନାସ୍ତିକ।

ଘଣ୍ଟଘଣ୍ଟିର ଆବରଣ ତଳେ

ମନ୍ଦିରର ଚଉହଦିରେ

ପୂଜିବାର ଅଭିଳାଷ

ଯଦି ନ ଆସଇ ମନେ ମୋର

ତେବେ ମୁଁ କଣ ନାସ୍ତିକ।

ଧର୍ମ ନାମେ ପିଟୁନି ଡିଣ୍ଡିମ

ଧର୍ମ ଠାରୁ ଜୀବନଟା ବଡ

ମୃତ୍ୟୁ ଠାରୁ ଜୀଵନଟା ବଡ

ହଜିବିଠୁ ଖୋଜିବାଟା ବଡ

ଭାବନାଟା ଯଦି ମୋର ଭୁଲ

ହଁ ମୁଁ ତେବେ ନାସ୍ତିକ।

ନାସ୍ତିକ ପରିଚୟ ନେଇ

ଘୃଣିତର ଆଖ୍ଯା ନେଇ

ଜାରି ରହେ ସଂଗ୍ରାମ ମୋର

ଦିଅ ନିର୍ଯ୍ୟାତନା

ଅବା ଲାଞ୍ଛନା

ତଥାପି ମୋ ପାଇଁ

ଜୀବନଟା ଅଟେ ମୂଲ୍ଯବାନ।