ନାରୀ ଦିବସ

କେବଳ ଦିନଟିଏ କାହିଁକି ନାରୀ ପାଇଁ

ନାରୀତ୍ୱର ଜୟ ଜୟକାର ନାରା ପାଇଁ

ନାରୀବାଦୀମାନଙ୍କ ଆତ୍ମପ୍ରଚାର ପାଇଁ 

ସଭା ଶୋଭାଯାତ୍ରାର ଆୟୋଜନ ପାଇଁ

ଗଗନ ପବନ ପ୍ରକମ୍ପିତ କରି ଭାଷଣ ଭାଷିବା ପାଇଁ 

ଜନନୀ - ଭଗିନୀ - ଜାୟା - ତନୟାର ପରିଚୟ

କଣ ଆମ (ପାଇଁ) ପାଶେ ଅଢ଼େଇ ଦିନିଆ ସମ୍ପର୍କ?? 

ଯିଏ ନିଜର ଅସ୍ତିତ୍ଵ ବିଲୀନ କରିଦିଏ

ଘର ସଂସାରର ଛୋଟ ଛୋଟ ଖୁସି ପାଇଁ

ସଳିତା ସମ ତିଳ ତିଳ ଜଳୁଥାଏ

ସଦା ସର୍ବଦା ଆନର ମଙ୍ଗଳ ପାଇଁ

ସେହି ବରେଣ୍ୟା ନାରୀର ଗାରିମା

ଗାୟନ ଲାଗି କଣ ଦିନଟିଏ ସମର୍ଥ

ଆରଦିନକୁ କଣ ପାଇଁ ସଭିଏଁ ନିଶ୍ଚୁପ??