ମୁନୁଷ ଜୀବନ ପାଏନ୍ ଫୁଟକା

ଜୀବନ୍ ଗୁଟେ ପାଏନ୍ ଫୁଟକା 

ଆଏଜ୍ କେ ଅଛେ କାଏଲ୍ କେ ନାଇଁ, 

କାଏଁ ହେଲା ଯେ ଭାଉଁ ମାରୁଛୁ

ପଏସା ପତର୍ ଟିକେ ପାଇଁ ।

ପଏସା ପତର୍ କାମ୍ ନାଇଁ ଦିଏ 

ମରନ୍ ପାକ୍'କେ ଆଏଲେ ଧାଇଁ, 

ପାଏନ୍ ଫୁଟକା ଲେଖେ ଫୁଟକି ଜିବୁ

ଯେତେ ପଏସା ପତର୍ ଥିଲେ ତାହିଁ ।

ମରନ୍ ହି ତ ସତ୍ ଆଏ

ଦୁନିଆଁ ଥି ବାକି ସବୁ ମିଛ୍, 

ମରନ୍ ଆଏଲେ ପଏସା ପତର୍

ହେଇଯିବା ସବୁ ହିନ୍ ।

ପାଏନ୍ ଫୁଟକା ଛନକେ ଯାଏସି ଫୁଟି

ମରନ୍ ଭିତ୍ ଛନ୍ କେ ଜୀବନ୍ ନେସି ଲୁଟି, 

ତାଲ୍ ତାଲ୍ ପାଏନ୍ ଥିଲେ କାଏ କରବୁ

ପାଏନ୍ ଫୁଟକା ଛନ୍ କେ ଯାଏସି ଫୁଟି ।

ପାଏନ୍ ଫୁଟକା ମୁନୁଷ୍ ଜୀବନ୍

 ଦୁହେ ହତ୍ ତ ସମାନ୍, 

ଦୁରୁ ଦିଶୁଥିସି ବହୁତ୍ ସୁନ୍ଦର୍

 ହେଲେ ଛନ୍ କେ ହେଇ ଯାଏସି ଅସମାନ।

ମୁନୁଷ୍ ଜୀବନ୍ ପାଇଛୁ ଯଦି

ନାଇ କରବୁ ଘମଣ୍ତ, 

ପାଏନ୍ ଫୁଟକା ଲେଖେ ଫୁଟ୍ କି ଜିବୁ

ଛନ୍ କେ ପଲେଇ ଯିବା ତୋର୍ ଜୀବନ୍ ।