ମୁଣ୍ଡ ଟେକି ଟେକି ଚାଲିବୁ

ଗଞ୍ଜେଇ ଖାଇଲେ ଗଞ୍ଜୁଡୁ ହେବୁ

ଢୁଲେଇ ଢୁଲେଇ ରହିବୁ

ମଦ ପିଇଲେ ତୁ ମଦୁଆ ହେବୁ

ବାଟରେ ଘାଟରେ ଗଡ଼ିବୁ ।

ଅଫିମ ଖାଇଲେ ଉଲୁକ ହେବୁ

ଉଲୁକ ଭଳିଆ ଦେଖିବୁ

ଜୁଆ ଖେଳିଲେ ଜୁଆରୀ ହେବୁ

ଭିକ ମଗା ଭଳି ଚଳିବୁ ।

ବେଶ୍ୟାଶକ୍ତ ହେଲେ ଭାକୁଡ଼ା ହେବୁ

ଏଡ଼ସ ରୋଗରେ ମରିବୁ

ଏ କଥା ଗୁଡିକୁ ମନେରଖି ଧନ

ସଂସାର ଭିତରେ ଚଳିବୁ ।

ଏ ସବୁ ପଛରେ ଗୋଡେଇଲେ ଧନ

ଘୃଣାର ପାତ୍ର ହୋଇବୁ

ଯେତେଦିନ ଏଇ ସଂସାର ରେ ଥିବୁ

ହୀନିମାନ ହୋଇ ଚଳିବୁ ।

ତୋରି ପାଇଁ ତୋର ପିଲା ଛୁଆ

ନିନ୍ଦା ଅପବାଦ ଶୁଣିବେ

ସାରା ଜୀବନ ତୋରି ପାଇଁ

କାନ୍ଦି କାନ୍ଦି ଖାଲି ମରିବେ ।

ଧନ ସମ୍ପତି ସରିଯିବ ତୋର

ଦାଣ୍ଡର ଭିକାରୀ ହୋଇବୁ

ସ୍ତ୍ରୀ ପିଲା ଛୁଆ ସାଥିରେ ନେଇ

ହିଦିଗିଡି ହୋଇ ବୁଲିବୁ ।

ଏ ସବୁ ଠାରୁ ଦୂରରେ ରହିଲେ

ସୁନାର ସଂସାର କରିବୁ

ମଣିଷ ଭଳିଆ ମଣିଷ ହୋଇ

ମୁଣ୍ଡ ଟେକି ଟେକି ଚାଲିବୁ ।