ମୁନୀର ବିଳାପ

କାନ୍ଦି କାନ୍ଦି ମୁନୀ ବାପା ପାଖେ କହେ କେମିତି ପଢିବ ପାଠ   

କରୋନା ଭୂତାଣୁ କାୟା ବିସ୍ତାରୁଛି ଭୟେ ହୁଏ ଛଟପଟ ll 1

ସ୍କୁଲ ତାଲା ଅବା କରୋନା ସେଣ୍ଟର ପଢା ହେଉ ନାହିଁ ସେଠି 

ଘରେ ବସି ବସି ମୋବାଇଲ ଧରି କେମିତି ପଢିବି ଏଠି ll 2

   

ଗୁରୁଜୀ ଗୁରୁମା କଥା ଶୁଭୁ ନାହିଁ ରହେନି ଇଣ୍ଟରନେଟ 

ମୋବାଇଲ ଧରି ଅନ ଲାଇନରେ ପଢି ହେଉ ନାହିଁ ପାଠ ll 3

   

ସାଙ୍ଗ ସାଥି ମେଳେ ଖେଳୁ ନାହିଁ ଖେଳ ଘରେ ରହି ମୁଣ୍ଡ ବ୍ୟଥା 

ମାଆ ତ ରୋଷେଇ କରେ ଦିନ ରାତି ହୁଏନି ମୋ ସାଥେ କଥା । 4

   

ପଡିଶା ଘରର ଦୁଆର କବାଟ ଖୋଲା ନାହିଁ କେତେବେଳେ 

ଏକାପରି ଲାଗିଲା ଘରେ ଦିନ ରାତି ସଞ୍ଜ ହେଉ କି ସକାଳେ ll 5

   

ନିତି ମୋବାଇଲ ଦେଖି ଦେଖି ମୋର ଆଖିରେ ବଢଇ ଚାପ 

କରୋନା ଭୂତାଣୁ ମହାମାରୀ ସାଜି ବିଶ୍ୱେ ଦିଏ ଅଭିଶାପ ll 6

    

ବଡ ହେଲେ ନିଶ୍ଚେ ଡାକ୍ତର ହୋଇବି କରୋନା କରିବି ଦୂର 

କେତେ ନୂଆ ଟୀକା ତିଆର କରିବି ନ ହୋଇବ ରୋଗ ଜ୍ଜ୍ୱର ll 7