Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Priyadarsini Das.PriYa❤️

tragedy

5.0  

Priyadarsini Das.PriYa❤️

tragedy

ମୁଁ ଲେଖିକା

ମୁଁ ଲେଖିକା

1 min
455



 ହଁ ମୁଁ ଲେଖିକା ,ଶବ୍ଦ ସଂଯୋଜିକା 

ଭସା ବାଦଲର ଛାତିରୁ 

 ଶବ୍ଦକୁ ଚିରି ,

କଲମ ମୂନରେ ସଜେଇବାକୁ 

 ମୁଁ ବେଶ୍ ଭଲ ପାଏ ।


ଭଲ ପାଏ ଏ ପ୍ରକୃତିର ପ୍ରତିଟି ସମୟକୁ ,

ହଜିଯାଏ ଗଳି କନ୍ଦିରେ ,

ସେଇଥି ପାଇଁ ତ ସାଜି ପାରିନି 

 ମୋ ପ୍ରେମ , ଶାଶ୍ବତ..... ।


କେମିତି ବା ସାଜିବ ସେ ଶାଶ୍ବତ 

ସେ ତ ବଦଳିଯାଏ ଅହରହ ,

କେବେ ଜହ୍ନର ଶୀତଳତାରେ 

ମତୁଆଲା ହେଇ ସାଜିଯାଏ ପ୍ରେମିକା ,


ଆଙ୍କିଦିଏ ଶବ୍ଦର ଛବିକୁ ...........


କେବେ ପୁଣି ନଦୀର ଜଳଧାରାରେ

 ଭାସିଯାଏ ମୋ ମନ ,

ଅଙ୍କାବଙ୍କା ଚିନ୍ତାଧାରା ରେ 

 ରୂପ ପାଏ କିଛି ନୂଆ ଲେଖା , 


ସାଇତା ହୁଏ କିଛି ନୂଆ ଅନୁଭବ ।


ତଥାପି ମୁଁ ଲେଖିକା

        ହଁ ମୁଁ ଲେଖିକା ......।


ଯିଏ କି ନିଜକୁ ସମ୍ଭାଳି ପାରେନା 

 ଏ ପ୍ରକୃତିର ଭିନ୍ନ ରୂପରେ ।

ଭାବନା କୁ ସାଉଣ୍ଟି ଧାଡି ପରେ ଧାଡି 

 ଯୋଡେଇ ଚାଲେ ,


କଳ୍ପନା ଓ ସତ୍ୟତାର ଫେଣ୍ଟା ଫେଣ୍ଟି

ଅନୁଭବ କେତେବେଳେ ଯେ

ଲିଖିତ ରୂପ ନିଏ ତାହା ମୁଁ ବି ଜାଣେନା ।


ସେଇଥି ପାଇଁ ବୋଧେ ମୁଁ ଲେଖିକା 

    ହଁ ମୁଁ ଲେଖିକା .......


ମୁଁ ଚାହେଁନା ଦରମା , ଚାହେଁ ନା ପ୍ରଶଂସା ,

ଖାଲି ଚାହେଁ ମୋ କଲମରେ 

 ଗଢିବି କିଛି ନୂଆ 

ବଦଳାଇ ଦେବି ଏ ଦୁନିଆ ।



  ସମୟ ମୋ ପ୍ରେରଣା ,

   ଭାବନା ମୋ କଲମ ,

   ପ୍ରକୃତି ମୋ କାଗଜ ,

 ଏତକ ଆଧାରେ ଯିବି ମୁଁ ଆଗେଇ ।


ମୁଁ ଲେଖିକା , ଲେଖା ମୋର ପ୍ରେମ

ଶବ୍ଦ ଗୁଚ୍ଛ ର ମୁଁ ପ୍ରେମିକା ।

ହଁ , ମୁଁ ଲେଖିକା




Rate this content
Log in