''ମୁଁ କିଏ''

ଦଶମାସ ଦଶ ଦିନ

ମାତୃ ଗର୍ଭେ ଥାଇ

ନିତି ଖୋଜୁ ଥାଏ

ଦୁନିଆ ଦେଖିବା ପାଇଁ

ଆସିଲି ଯେବେ

ଦୁନିଆକୁ ମୁହିଁ...

କ୍ଷଣିକେ ଗଲି ମୁଁ 

ନିସ୍ତବ୍ଧ ହୋଇ

ମୁଁ କିଏ?ମୁଁ କିଏ?

ପଚାରି ବୁଝେ

ଯେବେ ମୁହିଁ

ଆଶାନୁରୂପ ଉତ୍ତର

ଖୋଜିଲେ ମିଳେ ନାହିଁ...

ମିଛ ମାୟା ଦୁନିଆରେ

ସବୁ ନାର ବାଜି

କରିବାଠୁ ଏଠି

କହିବା ବାଲା ବେଶି

କିଏ କେତେ ପ୍ରକାରେ

ପ୍ରୟାସ କରେ

ପାଖକୁ ଆସି....

ଲୋକ ପ୍ରିୟତା ପାଇବା ପାଇଁ

କିଏ ଝାଡୁ ଧରେ 

ଜନ ସାଧାରଣ ଆଗେ

ପୁଣି କିଏ ଦୁଃଖ ବାଣ୍ଟେ

ଗରୀବର କୁଟୀରେ ଯାଇ

ଏଠି ସବୁ ଲୋକ ଦେଖାଣି ଭାଇ...

କିଛି ହାସଲ କରିବା ନିଶା

ହଜାଇ ଦିଏ ମନର ଆଶା...

ହଜି ଯାଏ ମନୁ ଭରଷା

ବାର ବାର ହେଉ

ଲୋକ ହସା...

ମୁଁ ପ୍ରଶ୍ନବାଚୀ ଚିନ୍ହଟିଏ

ବିଶାଳ ସଂସାରେ

ଅଜ୍ଞାନ ଅନ୍ଧାର ଟିଏ...

କ୍ଷୀଣ ଦେହ ମୋର

ପ୍ରଶ୍ନର ପାହାଡେ

ନିତି ବାଟ ହୁଡ଼ି ଯାଏ....

ଯେବେ ନିଜକୁ ପରଖେ

ନିଜକୁ ନୀରିଖେ

ବିଶାଳ ଦିଗବଳୟେ

କୂଳ କି କିନାରା

ସବୁ ଦିଗହରା ହୁଏ....

ମୁଁ କିଏ?ମୁଁ କିଏ?

ମୁଁ ଅମୀମାଂଶିତ

ଗଣିତ ଟିଏ

ଗୁଣିଲେ ଯେତେ

ଫେଡିଲେ ସେତେ ହୁଏ....

ମୁଁ ଅଶାନ୍ତ ସମୁଦ୍ରରେ

ଦିଗହରା ନାବିକଟିଏ

ତରଙ୍ଗେ ତରଙ୍ଗାୟିତ ହୋଇ

ସଦା ନାଚି ନାଚି ଚାଲି ଥାଏ...

ବାସ୍ତବିକ ବିଭୁଙ୍କ ସୃଷ୍ଟିରେ

ମୁଁ ଅଵୋଧ ଶିଶୁଟିଏ।