ମୁଁ ହୋଇ ରହେ

ପ୍ରତାପ ନାୟକ

7008054282

କାହିଁକି ଏପରି ହୁଏ

ଦିନ ସରେ ମାସ ସରେ

ଚୋରା ପିରତୀ ପରି ସମୟ ବି ସରେ

ଘୁରେ ଚକ୍ରବାକ

ଘୁରେ ପୁଣି ପାଣିରେ ଭଉଁରି

ନିଗିଡା କିଆରି ପରି ସମ୍ପର୍କ ବି ନିଗିଡେ

ସେହି ତୁମ ସମୟ ନଇରେ

ଉଲକା୍ ର ତିର୍ଯ୍ୟକ ସ୍ପର୍ଶ

ଚକମକି ଜୋତିସ୍କ ସ୍ଫୁଲିଂଗ

ମିଳାଏ ଆକାଶ ଛାତିରେ

ଯେପରି

ମିଠା ଜାମୁକୋଳି ପରି

ଦାନ୍ତର କେଉଁ ନିଭୃତ କୋଣରେ

ଉଷୁମ୍ ଜିଭର କଡ ଲେଉଟାରେ

ସମୟଟା ଦୋଳି ଖେଳେ

ତରାଟି ଚାହେଁ ଆଖି

ଯେମିତି ଲହକା ଡାଳରେ ମାଂକଡ....

ସରସର ଅଂକାବଂକା ସାପୁଆ ପିଠିରେ

ଗଳେ ବାଡମୂଳେ ବୁଦାତଳେ

ସମୟ ଗଳିଯାଏ ଆପଣା ବାଟରେ

ତମେ ତମେ ହେଇ ରୁହ

ମୁଁ ମୁଁ ହୋଇ

ହଁ ତମେ ତମେ ହେଇ ରୁହ

ମୁଁ ମୁଁ ହୋଇ ରହେ