ମୁଁ ବହି

ଜୀବନ ଟା ମୋର ନୁହଇ ଯେ ଶସ୍ତା

ନୁହେଁ ମୁହିଁ ଜଡ ବସ୍ତୁ

ଗ୍ରନ୍ଥ ମାଳ। ହୋଇ ଜ୍ଞାନ ର ଆଲୋକ

ଜାଳେ ସାରା ଜଗତକୁ ।

ଅକ୍ଷରେ ଅକ୍ଷରେ ତିଆରି କରେ ମୁଁ

ସୁନ୍ଦର ସୁନ୍ଦର ଶବ୍ଦ

ଶବ୍ଦ ରେ ଶବ୍ଦରେ ଗଢି ଥାଏ ମୁହିଁ

ବାକ୍ୟ କବିତା ର ସ୍ଵାଦ ।

ଜୀବନି କହିମୁ ଯେ ପ୍ରେରଣା ଦିଏ

ପାଠକଙ୍କ ମହଳରେ

ନାଟକ ମାଧ୍ୟମେ ମନ ମୋହି ନିଏ

ହସ ଖୁସି ଗହଣରେ ।

ମନେ ଭରିଦିଏ କେତେ ଗପ ଗୀତ

କେତେ ଯେ ପୋଥି ପୁରାଣ

ତା ସାଥେ ପୁଣି ମନେ ଆଙ୍କିଦିଏ

ଛବି ଚିତ୍ର ସୁଶୋଭନ ।

ଶିଖାଏ ଯେ ପୁଣି ଭଳ ମନ୍ଦ କେତେ

ସଂସାରର ରୀତି ନିତି

କହିଦିଏ ସତେ କା ଦୁଃଖ କାହାଣୀ

ବଦଳେ ଜୀବନ ଗତି ।

ଆଣି ଦେଇ ଥାଏ ମନରେ ହରଷ

ପ୍ରିୟ ପାଠକଙ୍କ ପାଶେ

ବୁଦ୍ଧି ବିବେକକୁ ଉଜ୍ଜଳିତ କରି

ମନର କ୍ଲେଶକୁ ନାଶେ ।

ମୋତେ ପାଠ କରି ମୂର୍ଖ ହୁଏ ଜ୍ଞାନୀ

ପାଇ ଯେ ଉତ୍ତମ ଫଳ

ଚିର ଦିନ ମୋତେ ସାଥି କରିଥିଲେ

ହୁଅଇ ଶୁଭ ମଙ୍ଗଳ ।

ତୁମରି ହାତର କୋମଳ ସ୍ପର୍ଶରେ

ହଜିଯାଏ ନିଜେ ମୁହିଁ

ମୋ ଦେହର ପ୍ରତି ଅଂଶରେ ଅଂଶରେ

ହାତ ତୁମ ଦିଏ ଛୁଇ ।

କେହି କେହି ମୋତେ ଚିରି ଦେଇ ସତେ

ତିଆରି କରନ୍ତି ଠୁଙ୍ଗା

ଟିକି ଟିକି ପିଲା ଚିରି ଦେଇ ମୋତେ

ଭସାନ୍ତି ଆଦରେ ଡଙ୍ଗା ।

ଭଲ ଲାଗେ ମୋତେ କରିବାକୁ ତୁମ

ସେବା ପ୍ରତି ମୂହୁର୍ତ୍ତରେ

ନିର୍ଜୀବ ହେଲେ ବି ମୋ ପରି କିଏ

ନାହିଁ ଏହି ଧରଣୀରେ ।

ଯେତେ ଯାହା ବାଧା ଆସିଲେ ବି ଆସୁ

ରହିଥିବି ତୁମ ସାଥେ

ଜାଳି ପୋଡି ପାଉଁଶ କଲେ ବି

ଲୋଡା ମୁଁ ସାରା ଜଗତେ ।

*************************

ନାମ - ପ୍ରେମଶିଲା ରାଉତ

ଗ୍ରାମ - ବୃନ୍ଦାବାହାଲ

ବ୍ଲକ - ଗୋଳମୁଣ୍ଡା

ଜିଲ୍ଲା - କଳାହାଣ୍ଡି