ମୁକୁଟବିହୀନ ସମ୍ରାଟ ମଧୁବାବୁ
ମୁକୁଟବିହୀନ ସମ୍ରାଟ ମଧୁବାବୁ
ନିଜ ମସ୍ତକରେ ମୁକୁଟ ନଥିଲା,
ଥିଲା କିନ୍ତୁ ପଗଡ଼ି
ତାଙ୍କର ରାଜ୍ୟ ତ ନଥିଲା, କିନ୍ତୁ
ଥିଲା ପରା ରାଜୁତି ।
ସେ ରାଜୁତି ଥିଲା ଅର୍ଦ୍ଧ ଶତାବ୍ଦୀରୁ
ଅଧିକ କାଳର
ଖର୍ଚ୍ଚ ହେଉଥିଲା କିନ୍ତୁ ନଥିଲା କିଛି
ଆୟ ରାଜସ୍ବର ।
ନିଜ ଭୂଖଣ୍ଡର ସାମଗ୍ରିକ ଉନ୍ନତି ପାଇଁ
ସେ ଥିଲେ ପ୍ରତିଜ୍ଞାବଦ୍ଧ
କରିଥିବା ସମ୍ରାଟ ଉତ୍କଳ ଭୂଖଣ୍ଡର ଉନ୍ନତି
କଳ୍ପେ ନିଜକୁ ଉତ୍ସର୍ଗୀକୃତ !
ସେ ଥିଲେ ମଧୁସୂଦନ, କିନ୍ତୁ ବଂଶୀ ତ
ପାଖେ ନ ଥିଲା
ବଂଶୀସ୍ବନ ଠାରୁ ଆହୁରି ମଧୁର ମୁଖ
ନିଃସୃତ ବାଣୀ ଥିଲା ।
ସେ ବାଣୀ ଟାଣି ଆଣୁଥିଲା ଉତ୍କଳ ଖଣ୍ଡର
ରାଜାରାଜୁଡ଼ାଙ୍କୁ,
ସାହିତ୍ୟରଥୀଙ୍କୁ, ସ୍ବାଧୀନତା ସଂଗ୍ରାମୀଙ୍କୁ,
ପଠନରତ ଛାତ୍ରମାନଙ୍କୁ ।
ବ୍ୟାସକବି ଯଥାର୍ଥରେ ଲେଖିଛନ୍ତି,
ଯାଉଥିଲା ଗୋଟେ ଜାତିଟା ଭାସି,
ରକ୍ଷା କରିଅଛ ସ୍ବର୍ଗରୁ ଆସି।
ଉତ୍କଳୀୟ ଜାତିର ଆଗୁଆ ହୋଇ,
ପଞ୍ଚାଶ ବରଷ ଦେଲ ଆଗୋଇ ।
ହେ ଜାତିର ଗାଲମାଧବ, ଶତାବ୍ଦୀର ସୂର୍ଯ୍ୟ,
ଶ୍ରେଷ୍ଠ ପ୍ରତୀକ ସ୍ବାଭିମାନର
ନର ଦେହେ ନାରାୟଣ, ହେ କୁଳବୃଦ୍ଧ ଅଗ୍ର
ସାରଥୀ ଐରାବତ ଓଡିଆ ଜାତିର ।
ହେ ଓଡ଼ିଆ କୁଳର ଗର୍ବ ଗୌରବ, ଉତ୍କଳ ସମ୍ମିଳନୀର
ତୁଙ୍ଗ ପରିକଳ୍ପକ ଓଡିଆଙ୍କ ଇଷ୍ଟପୁରୁଷ
ତୁମେ ଥିଲ ସ୍ବତନ୍ତ୍ର ଓଡ଼ିଶା ପ୍ରଦେଶ ଗଠନର ଅଶ୍ଵାରୋହୀ,
ଏ ମାଟିର ଯଥାର୍ଥ ପ୍ରବାଦ ପୁରୁଷ।
ଓଡ଼ିଆଙ୍କ ହାତରେ 'ଓଡ଼ିଶା'କୁ ସଁପି ଦେଇ ଥିବା ଦୀପ୍ତି
ମାନ ସୂର୍ଯ୍ୟ ଯୁଗ ପୁରୁଷଙ୍କ ଜନ୍ମଦିବସରେ
ମୁଁ ଚିତନ କୋଟି କୋଟି ଓଡିଆ ବାସୀଂକ ତରଫରୁ ମୁଣ୍ଡ
ନୁଆଁଇ କୋଟି କୋଟି ଦଣ୍ଡବତ କରେ ।