ମୁକ୍ତ ପକ୍ଷୀ

ସୁନୀଳ ଆକାଶେ ମୁକ୍ତ ପକ୍ଷୀ ମୁଁ

ଲଂଘିଯିବି ଦୁର୍ଗମ ଗିରି

ଗାଇଯିବି ଶାନ୍ତି, ସମୃଦ୍ଧିର ବାର୍ତ୍ତା ,

ଆଙ୍କି ଦେଇଯିବି କଲମ ମୁନରେ 

ସ୍ନେହ, ଶ୍ରଦ୍ଧା, ପ୍ରିତି, ଭାତୃତ୍ବ ବନ୍ଧନ ଗାଥା | (୧)

କରିବି ସଶକ୍ତ ମୋ କଲମର ଗାର

ସୁଦୃଢ଼ ଖଣ୍ଡା ଠାରୁ ବଳିୟାନ,

ଦୋହଲାଇ ଦେବି ଶୋଷକଙ୍କ ଗଡ଼

ଅନୀତି ଦୁର୍ନୀତି ନିଶ୍ଚେ ହେବ ଦମନ । (୨)

ଆଗେଇ ଆସ ହେ ମୁକ୍ତ ବିହଂଗମ

କରିବା ଆମ ନୂତନ ସମାଜର ସର୍ଜନା,

ଜଳାଞ୍ଜଳି ଦେବା ସ୍ବାର୍ଥ ଅହମିକା

ଆମ କଣ୍ଠୁ ଝରାଇବା ମୁକ୍ତି-ମୂର୍ଛନା । (୩)

ଲେଖନୀ ମୁନେ ଭାଙ୍ଗିଦେବା ଲୁଟେରାଙ୍କ

ସୁନାଚାନ୍ଦୀରେ ଗଢ଼ା ପାଚେରୀ କାନ୍ଥ,

ଧ୍ୱଂସ କରିଦେବା ପୁଞ୍ଜିବାଦୀଙ୍କ

ସବୁ ପୁଂଜିଭୂତ ଅମାରତ । (୪)

ସମାଜେ ସମତା ନିର୍ମାଣ ଯଜ୍ଞେ

ଆମ ଅନ୍ତର୍ଜ୍ଯୋତିକୁ କରି ଜାଗ୍ରତ,

ଘରେ ଘରେ ଖୁସି ଫେରାଇ ଆଣିବା

ତେବେ ଆମ ଜାତି ହେବ ବିଶ୍ବେ ସମ୍ରାଟ । (୫)

ସୁଖ ସମୃଦ୍ଧିରେ ପରିପୂର୍ଣ୍ଣ ହେବ

ସ୍ବେଚ୍ଛାଚାର, ଦୁର୍ନୀତିର ହେବ ଦମନ,

ଶାନ୍ତି, ମୈତ୍ରୀ, ପ୍ରୀତି ହେବ ସ୍ଥାପନ

ଜାଜ୍ଜୁଲ୍ଯମାନ ହେବ ମୋ ଜାତିର ନାମ । (୬)