!! ମୃତ୍ୟୁ ହେ ତୁମେ ଆସ. !!

!! ହେ ତୁମେ ଆସ. !!

ମୃତ୍ୟୁ ହେ ତୁମେ ଆସ...

ସଜଳ ସପନେ

 ସବୁରି ଗୋପନେ

ରଚି ଧରାପରେ ରାସ ।

         ମୃତ୍ୟୁ ହେ ତୁମେ ଆସ ...!

ତୁମ ଆଗମନେ

ମୋ ମନ କାନନେ

ଫୁଟି ଯାଉ ଫୁଲ ହସ

ବିଧୂର ବେଳାର

ଲମ୍ବା ଇସ୍ତାହାର

ସପ୍ତମ ଋତୁର ମାସ ।

ଗୋଧୂଳି ରେ ହୋଇ ବେଶ ....

          ମୃତ୍ୟୁ ହେ ତୁମେ ଆସ ...!

ସତ୍ୟ ଶିବ ତୁମେ

ସୁନ୍ଦର ଏ ଭୂମେ

ଝରା କାକରର ଧରା

ପଉଷ ରାତିର

କଜଳ ଅନ୍ଧାର

ଦିଶୁଥିବ ଜହ୍ନ ତୋରା ।

ନଈ ପଠା ଭରା କାଶ.....

         ମୃତ୍ୟୁ ହେ ତୁମେ ଆସ ...!

ଅଦିନ ବସନ୍ତ

ଦେବ ସେ ଉଦନ୍ତ

କଳା କୋଇଲିର କୁହୁ

ଚୂତ ମୁକୁଳ ର

ମୁରୁଜ ଅବିର

ଝରାଇବ ପ୍ରୀତି ମହୁ ।

ଗୁଣୁ ଗୁଣୁ ଅଳି ଭାଷ .....

        ମୃତ୍ୟୁ ହେ ତୁମେ ଆସ ....!

ଚହଟ ଚାନ୍ଦିନୀ

କରିବ ବନ୍ଦିନୀ

ସରେ କୁମୁଦର ଛାୟା

ମନ ତରୁ ଡାଳେ

କପୋତୀ ବିକଳେ

କାନ୍ଦିବ ମୁରୁଛି ମାୟା ।

 କାୟା ଛାଡି ପରବାସ .....

     ମୃତ୍ୟୁ ହେ ତୁମେ ଆସ ....!!