ମର୍ତ୍ତ୍ୟରେ ଆଗତ ଉଣେଇଶ

ମର୍ତ୍ତ୍ୟରେ ଆଗତ ହୋଇ ନବାଗତ

ନୂଆ ବର୍ଷ ଉଣେଇଶ

ଅନ୍ତର ହୋଇବ ଅଠର ଆମଠୁ

ଏବେ ସେ ବିଦାୟ ବର୍ଷ।

ପ୍ରତି ବର୍ଷ ଅଟେ ସ୍ମୃତି ଚିହ୍ନ ମାତ୍ର

ଦିଏ ନାହିଁ ସିଏ କିଛି

ଦୁଃଖ ସୁଖ ଏକ ଆପେକ୍ଷିକ ଭାବ

ଆମେ ତାର ପ୍ରତିଛବି।

ଆଶା ଆମ ଦୁଃଖ ନେଇ ଦେବ ସୁଖ

ଆମ କର୍ମ କିର୍ତ୍ତି ପାଇଁ

ସୁଖ ସମୃଦ୍ଧିରେ ହରଷ ଆଣିବା

ଅଠର ବିଦାୟ ଦେଇ

ଜୀବନ ଅଳୀକ କେତେ କ୍ଷଣ ପାଇଁ

ଏବାରମ୍ଭ ଏବେ ଶେଷ

ରାଗ ରୁଷା ମାନ ଛାଡି ଅଭିମାନ

ଟିକିଏ ହସିବା ଆସ

ସମୟର ଚକ୍ର ନାହିଁ ତା ବିରତ

ଆମ ଏ ଜୀବନ ରଥ

ଦୁଇ ହଜାର ଉଣେଇଶ ମସିହା

ବର୍ଷ ମାତ୍ର ଏକ ପଥ

ସ୍ଵାଗତ କରିବା ଉଣେଇଶ ଆମେ

ଜୀବନୁ ଆଳସ୍ୟ ଭୁଲି

ଆସ ଆସ ଭାଇ ଭଉଣୀ ସଭିଏ

ପ୍ରଗତିରେ ଯିବା ଚାଲି

ପ୍ରଶାନ୍ତ କୁମାର ହୋତା