ମର୍ତ୍ତ୍ୟର ହିସାବ

କାହା ମନରେ କେତେ ପାପ

ଅବା ପୂଣ୍ଯ 

କିଏ ବା ବୁଝିଛି,

କିଏ କେତେ ସତ ଅବା ମିଛ

କିଏ ବା ମାପିଛି ।

ମାତ୍ର କେତେ ସ୍ବଚ୍ଛ ବା ମିଛ

ସ୍ବୟଂ ବିନା କିଏ ବା ଜାଣିଛି

କିନ୍ତୁ ସତ୍ଯକୁ ଲୁଚାଇ 

ଅନ୍ୟକୁ ଠକାଇ ସେ

ବିଜୟୀ ବୋଲି ଆସ୍ଫଳନ କରୁଛି ।

କେତେ ପାପ କେତେ ପୂଣ୍ଯ 

କେତେ ମୁକୁଳା କେତେ ଆବରଣ 

ସବୁ ସେ ଦେଖୁଛି

ହୋଇ ଥାଉ ପଛେ ଯେତେ ବନ୍ଧୁର

ଦିନେ ନା ଦିନେ ତା ଛାତି ଚିରି 

ସତ୍ଯ ସାମ୍ନାକୁ ଆସୁଛି ।

କର୍ମାନୁସାରେ  ଜନ୍ମ ଲଭେ,

ବୁଝି ବି ଅବୁଝା ହେଉଛି ।

ଯେତେ ସବୁ ନେତ୍ର ରୁଚି 

ଅଟେ ମାରିଚ ମାୟା

କିଏ ଅବା ବୁଝୁଛି

ସବୁ ସତ ମିଛ ପାପ ପୁଣ୍ୟ

ନେପଥ୍ୟରେ ସେ ହିସାବ କରୁଛି ।