ମରଣ

ମାଟିର ଶରୀର ,ମାଟିରେ ମିଶିବ

ମାଟିରେ ହୋଇଛି ଗଢା ।

ହାତରୁ ଖସିଲେ, କ୍ଷଣିକ ମଧ୍ୟରେ

ଭାଙ୍ଗି ଚୁନା ହେବ ସଢା ।।୧

ମାଟିର ଶରୀରେ, ଜୀବନର ବାୟୁ

ହେଉଅଛି ଆତ ଯାତ ।

କ୍ଷଣିକ ମଧ୍ୟରେ, ଜୀବନର ବାୟୁ

ପିଣ୍ଡ ଛାଡି ଯିବ ସେତ ।।୨

ପଞ୍ଚ ମହାଭୂତେ ,ହୋଇଛି ଶରୀର

ଆତ୍ମା ରାଜା ଯେ ପିଣ୍ଡର ।

ପଞ୍ଚ ମହାଭୂତୁ, ଆତ୍ମା ରାଜା ରାଜ୍ୟୁ

ଗଲେ ଛାଡି ହୁଏ ମର ।।୩

ପଞ୍ଚ ମହାଭୂତେ ,ଆତ୍ମା ରଥୀ ରଥେ

ରଥ ଅଟେ କଳେବର ।

ଆତ୍ମା ରଥୀ ଯେବେ ,ନଥାଏ ସେ ରଥେ

ରଥ ହୋଇଯାଏ ମର ।।୪

ଆତ୍ମା ପକ୍ଷୀ ବସା ,ବାନ୍ଧିଛି ଶରୀରେ

ରହି ଅଛି ବର୍ତ୍ତମାନ ।

କ୍ଷଣିକ ମଧ୍ୟରେ, ଝଡ଼ ଟେ ଆସିଲେ

ଉଡିଯିବ ପକ୍ଷୀ ବନ ।।୫

ନାହିଁ ତା ଉପରେ ,ବିଶ୍ୱାସ ବନ୍ଧୁ ଯେ

ଭାଇ ସେ ନୁହେଁ କାହାରି ।

ସମୟ ସରିଲେ, କ୍ଷଣିକ ମଧ୍ୟରେ

ଚାଲିଯିବ ସେ ବାହାରି ।।୬