ମୋଟ ମନ ଛୋଟ ହେବ ଭାବିନି ଏତେ

ମୋଟ ମନ ଛୋଟ ହେବ ଭାବିନି ଏତେ

ବଡ଼ କଥା ଲଘୁ ହେବ ଜାଣିନି କେତେ  

..........ମୋଟ ମନ ଛୋଟ ହେବ 

               ଭାବିନି ଏତେ ! ୦ !

ସିନ୍ଧୁ ପୁଣି ବିନ୍ଦୁ ହେବ ବୁଝୁନି ଆଗ

ମିଠା କାଳେ ସିଠା ହେବ ସରୁନି ରାଗ

ଜହ୍ନ କାଳେ ଚିହ୍ନ ହେବ ଲାଗୁନି ମତେ

..........ମୋଟ ମନ ଛୋଟ ହେବ 

               ଭାବିନି ଏତେ ! ୧ !

ରାଣ ହାଏ ଧୂଆଁ ହେବ ଫୁଟୁନି ବାଣ

ପଣ ମିଛ ମୁହଁ ହେବ ରଖୁନି ଟାଣ

ଲୁହ ଖାଲି ମାୟା ହେବ ଗଡୁନି ସତେ

..........ମୋଟ ମନ ଛୋଟ ହେବ 

               ଭାବିନି ଏତେ ! ୨ !

ନିଜ ଭଳି ପର ହେବ ଆସୁନି ମନ

ଗେଲ ପଛେ ନିନ୍ଦା ହେବ ମିଶୁନି ତାନ

ଭଲ ଏଇ ମନ୍ଦ ହେବ ପାରୁନି ହିତେ 

..........ମୋଟ ମନ ଛୋଟ ହେବ 

               ଭାବିନି ଏତେ ! ୩ !