ମୋ ପିଲାଦିନ

ମୋ ପିଲାଦିନ,

କ୍ରୁର ସମୟ ର କରାଳ ଗର୍ଭ ରେ ହୋଇଛି ବିଲୀନ

କିନ୍ତୁ, ମାନସ ପଟରେ ସ୍ମୃତି ସବୁ ସାଇତି ରଖିଛି ମନ।

ମନେପଡେ ବୋଉ ର କୋଳ ଆଉ ନାନାବାୟା ଗୀତ,

ଆଖି ଆଗରେ ନାଚି ଯାଏ ସେ ଅଭୁଲା ଅତୀତ ।

କାଗଜର ଡଙ୍ଗା ପୁଣି ମାଟି ର ଖେଳନା,

ସ୍କୁଲ୍ ନଯିବା ପାଇଁ କେତେ ଯେ ବାହାନା ।

ଗାଁ ଆମ୍ବତୋଟା, ସାଙ୍ଗ ସାଥି ମେଳ ଆଉ ବୋହୁଚୋରୀ ଖେଳ,

ଘରଲେଉଟାଣି ପକ୍ଷୀ ଙ୍କ ରାବ ରେ ଘନେଇ ଆସୁଥିଲା ସଞ୍ଜବେଳ ।

ଫେରେଇ ଦେ ସମୟ ତୁ ମୋ ପିଲାଦିନ,

ବିନତି କରୁଛି ତୋତେ ପକେଇ ମୁଁ ରାଣ ।