ମୋ ମନ ମୟୂର ତୁ କଳା ଘୁମର
ମୋ ମନ ମୟୂର ତୁ କଳା ଘୁମର
• ରାଗ—ପୁରିଆ
• ତାଳ--ଏକତାଳି
• ମେଘମାଳା ଦିଶେ କଳା ଘୁମର
• ଲତା ଗହଳରେ ନାଚେ ମୟୂର , ମେଘମାଳା ଦିଶେ କଳା ଘୁମର... ।।
• ଆଷାଢ଼ ମାସର ନବଜଳଧର
• ଶ୍ୟାମଳ ବିମଳ ଶୋଭିତ ଅମ୍ବର
• ଶ୍ରୀଗୁଣ୍ଡିଚା ଯାତ୍ରା କରନ୍ତି ଠାକୁର
• ଏ ଯାତର ନାହିଁ ନାହିଁ ପଟାନ୍ତର , ମେଘମାଳା ଦିଶେ କଳା ଘୁମର…।।
• ଅଭିନବ ଯାତ ଦେଖିବା ଉଚ୍ଚାଟ
• ଗନ୍ଧର୍ବ,ଅସୁର,ସୁର,ସାଧୁ,ସନ୍ଥ
• ହୋଇଲେଣି ରୁଣ୍ଡ ଶୀରିଖେତର ରେ
• ଗୁଡକୁ ଯେସନେ ପିମ୍ପୁଡ଼ି ଧାର , ମେଘମାଳା ଦିଶେ କଳା ଘୁମର…।।
• ସୈ।ଦାମିନୀ ହସ ବଜ୍ର ର୍ନିଘୋଷ
• ବରଷାକୁ ଦେଖି ନଡର ପଥିକ
• ତରତର ହୋଇ ଚାଲରେ ବାଟୋଇ
• ଦେଖିବୁ ବାମନ ନନ୍ଦକିଶୋର , ମେଘମାଳା ଦିଶେ କଳା ଘୁମର…।।
• ନନ୍ଦିଘୋଷ ରଥେ ବିଜେ ଜଗନ୍ନାଥେ
• ପତୀତ ଉଦ୍ଧାର ପାଇଁ ଏ ଜଗତେ
• ଦୟାମନାସୁଛି ହେ ଜଗତପତି
• ଜଗତ ଉଦ୍ଧାର କର ଈଶ୍ବର , ମେଘମାଳା ଦିଶେ କଳା ଘୁମର…।।
• ମୋ ମନ ମୟୂର ତୁ କଳା ବାଦଲ
• ଭକ୍ତି ପ୍ରେମ କୁଞ୍ଜେ ହେଲି ମୁଁ ବିଭୋର
• ତୁମକୁ ଦେଖିଲେ ବଡ଼ଦାଣ୍ଡ ରଥେ
• ପାପ ଚକ୍ଷୁ ହେବ ପବିତ୍ର ମୋର , ମେଘମାଳା ଦିଶେ କଳା ଘୁମର…।।
• ଦୁଃଖ ପାସୋରାରେ ମୋ ରଙ୍କ ରତନ
• ମୁଁ ଛାର ମାନବ ତୁମେ ପରଂବ୍ରହ୍ମ
• ପ୍ରଫୁଲ୍ଲ ସୁମରେ ଆହେ ଚକ୍ରଧର
• କାଳ ଭୟୁ କରିବ କି ଉଦ୍ଧାର,? ମେଘମାଳା ଦିଶେ କଳା ଘୁମର…।।
• କବି ପ୍ରଫୁଲ୍ଲ ଚନ୍ଦ୍ର ମିଶ୍ର ,
ମଙ୍ଗଳାଯୋଡି , ଖୋର୍ଦ୍ଧା