ମୋ ମନ ଦର୍ପଣ

ଗୋଟିଏ ମୋ ଧନ ଅନ୍ୟଟି ମୋ ମନ

ଦୁହେଁ ତ ମୋର ଦର୍ପଣ

ଯେଉଁଠି ସେ ଥିଲେ ମନ ତାଙ୍କ ପାଖେ

ଭାବି କଟେ ମୋର ଦିନ ll

କର୍ତ୍ତବ୍ୟ ଆହ୍ଵାନେ ଜୀବିକା ବାଛିବେ

ବୁଝିବ ଅବୁଝା ମନ

ସଂସାର ପଥ ସହଜ ତ ହେବ

ଚାଲିବ ସଂସାର ପ୍ରାଣ ll

ଚଲାପଥ ତାଙ୍କ କୁସୁମିତ ହେଉ

ଥାଉ ସୁପଥ ରେ ମନ

ତୋ ପାଖରେ ମାଆ ଏତିକି ମୋ ଅଳି

ଡାକୁଛି ମୁଁ ସବୁ ଦିନ ll

ନିଜ ବାପା, ମାଆ ସନ୍ତାନସନ୍ତତି

ଏ ସବୁ ତୋର ଦାନ

ସଭି ଙ୍କ ପାଇଁ ତ କର୍ତ୍ତବ୍ୟ ରହିଛି

ପୁଣି ଆତ୍ମୀୟ ସ୍ଵଜନll

ଏଇ ତ ସଂସାର ଗୋଟେ ରଙ୍ଗମଞ୍ଚ

ସଭିଙ୍କ ଭୂମିକା ଭିନ୍ନ

ସ୍ନେହ ସମ୍ପର୍କର ଡୋରି ଧରିଥିଲେ

ରହିବନି ବ୍ୟବଧାନ ll

କରିଛି ଆଶା ଅଛି  ଭରସା

ମାଆର ଚରଣ ଶରଣ

ଯାହା ଦେବେ ମାଆ ଆଦରି ମୁଁ ନେବି

ଭାବି ତାର ଅବଦାନ ll