ମୋ ମାଟି ମା

ଆସିଛି ମୁଁ ଆଜି ତାହାରି ପାଇଁ କି

ରଖିବାକୁ ତାର ଟେକ ।

ଫେରିବି ନିଶ୍ଚିତ ମୋ ମାଟି କୁ ପୁଣି

ରଖିଲେ ତାହାରି ଟେକ ।।୧

ତା ଧୂଳି ରେ ଗଢା ମୋହରି ଶରୀର

ତା ପବନ ମୋର ପ୍ରାଣ ।

ଭଲ ଲାଗେ ମୋତେ ସେ ମାଟିର ପାଣି

ଭଲ ଲାଗେ ବିଲ ବଣ ।।୨

ସେ ମାଟି ର କଥା ଆଜି ମନେ ପଡେ

ଅଛି ଯେବେ ପ୍ରବାସ ରେ ।

ଆସିଛି ମୁଁ ଆଜି ଛାଡି ମୋର ମାଟି

ଛାଡି ମୋର ପରିବାରେ ।।୩

ମୋ ସପନ ନିଶ୍ଚେ କରିବି ପୂରଣ

ଦେଲେ ସିଏ ଆଶିର୍ବାଦ ।

ରଖିବି ନିଶ୍ଚିତ ମୋ ମାଟିର ଟେକ

ଶୁଭିବ ଶଙ୍ଖର ନାଦ ।।୪

ଆସିଛି ସିରାରେ ଛାଡି ମୋର ମାଟି

ବିଲ ବଣ ତରୁ ଲତା ।

ଫେରିବି ନିଶ୍ଚିତ ତାହାରି କୋଳକୁ

ଜଳିବ ସେଇଠି ଚିତା ।।୫

ତା କୋଳରେ ଦିନେ ବଢିଥିଲି ମୁହିଁ

କାନ୍ଦି ଥିଲି କୁଆଁ କୁଆଁ ।

ଫେରିବି ନିଶ୍ଚିତ ମୋ ମାଟି କୁ ପୁଣି

ରଖିଲେ ତାହାରି ନାଆଁ ।।୬