ମୋ କାମ

ବଂଶୀର କାମ ତ ଝୁରିବା

ନୁପୁରର କାମ ଝୁରେଇବା

ମାଟିର କାମ ଭିଜିଯିବା

ମେଘର କାମ ଭିଜେଇବା

କାହାର କାମ ଭୁଲିଯିବା

କାହାର କାମ ଭାବି ହେବା

କିଏ ଏଠି ସଙ୍ଖା ଦିପଟ

କିଏ ଏଠି ମୟୂର ଚନ୍ଦ୍ରିକା

ସୀମା ଏଠି କିଛି ହେଲେ ନାହିଁ

ସୀମାରେଖା ପ୍ରତି ପାଦେପାଦେ

ସୀମା ଡେଇଁ ଉଦ୍ଧତ ପ୍ରେମ

ନିଜ ତୀରେ ନିଜକୁ ହିଁ ଭେଦେ

ପ୍ରେମର କାମ ତ ଚୁମ୍ବନ

ପ୍ରେମୀ ପାଇଁ ପୁଳେ ଅଭିମାନ

ବର୍ବର ସମାଜର କାମ

ଉର୍ବର ଦଣ୍ଡ ବିଧାନ

ମନର କାମ ତ ମାନିଯିବା

ଆଖିର କାମତ ବୁଜିଯିବା

ଯିଏ ଯାହା କୋହୁ

ଯିଏ ଯାହା ଭାବୁ

ତା'ର ତ କାମ ହସିଦବା

ମୋ'ର କାମ ତ ମରିଯିବା....।