ମୋ କାଳିଆ ଧନ

ତୋତେ ଦେଖିବାକୁ ଟିକେ ମନରେ 

                 ମୋର କାଳିଆ ଧନ

ତୋତେ କୋଳେ ଧରିବାକୁ ମନରେ 

                 ମୋର କାଳିଆ ଧନ

ତୋର ମୁରୁକି ହସାରେ ପେଟ ପୁରିଯାଏ 

ପାଇଛି କି ସତେ କୋଟିଏ ଧନ ।

ତୁ ଅଳି ଅର୍ଦ୍ଦଳି କରନ୍ତୁ କି ପାଶେ 

      ବୁଝାନ୍ତି ମୁଁ ତୋତେ ଗାଇକି ଗୀତ 

ତୋ କୁନି ମନରେ ହଜିଯାଆନ୍ତି କି

      ପୋଛି ଦିଅନ୍ତି ତୋ ଦେହରୁ ଝାଳ

ତୋତେ ଗେଲ ।

ତୋ ଦେହେ ଲେପନ୍ତି କୁକୁମ ଚନ୍ଦନ 

      ମନଭରି କରି କେତେ ଯତନ

ମଥାରେ ଦିଅନ୍ତି କଜଳର ଟୀକା 

      ନ ପଡିବ କେବେ କାହା ନଜର 

ତୋତେ ଗେଲ   ।

ତୋ ଅବୁଝା ମନକୁ ବୁଝାନ୍ତି କି ଥରେ 

      ଦେଖାଇକି ତତେ ସରଗ ଚାନ୍ଦ 

ଅମାନିଆ ଲୁହ ଗଡିଗଲେ ତୋର 

      ପୋଛି ଦିଅନ୍ତା ମୋ କାନି ପଣତ

ତୋତେ ଗେଲ କରିବାକୁ ମନରେ 

ମୋର କାଳିଆ ଧନ 

ତୋତେ କୋଳ କରିବାକୁ ମନରେ 

ମୋର କାଳିଆ ଧନ ।।