ମୋ ଜଗା

ଆସିବ ଜଗା ତୋ ଘୋଷ ଯାତରା

ଦର୍ଶନ ଦେବୁ ଦୁନିଆ ସାରା ।

ଆକୁଳ ନୟନେ ଭକତ ତୋର

ଚାହିଁ ରହିଛନ୍ତି ଦର୍ଶନ ତୋର ।

ତିନି ରଥେ ଶୋଭା ତିନି ଠାକୁର

ନାଲି ନୀଳ ପୀତ କେତେ ରଙ୍ଗର ।

ପାଟ ବସ୍ତ୍ର ପୁଷ୍ପ ଦୟଣା ମାଳ

କି ସୁନ୍ଦର ଦିଶିବ ମୋ ଜଗା ଠାକୁର ।

ମାଉସୀ ଘରକୁ ଚାଲି ସେ ଯିବ

ମା ଲକ୍ଷ୍ମୀ ଆଖିରୁ ଲୁହ ଝରିବ ।

ନଟ କୁଟିଆ ସେ ଭାରି ଛଳିଆ

ମଥାରେ ଚନ୍ଦନ ମୟୂର ଚୂଳିଆ ।

ରଥେ ବିଜେ କରି ସବୁ ଦେଖିବ

ବାଙ୍କ ଚାହାଣୀ ରେ ମନ ମୋହିବ I

ଭାବ ଭକତିଆ କାଳିଆ ଠାକୁର

ସ୍ନେହରେ ବନ୍ଧା ଭକତର ଡୋର ।

ଚତୁର୍ଦ୍ଧା ମୂରତି ଆଃ କି ସୁନ୍ଦର

ଦେଖିଲେ ନୟନ ପାପ ହୁଏ ଦୂର ।

ପରଂବ୍ରହ୍ମ ପରମାତ୍ମା ଅନ୍ତର୍ଯ୍ୟାମୀ

ସକଳ ଘଟ ରେ ତୁମେ ପରା ସ୍ୱାମୀ ।