ମୋ ଜେଜେ ମାଁ

ମୁଁ ଜନ୍ମ ହେଲାବେଳକୁ ଜେଜେ ବାପା

ଏ ଦୁନିଆ ଛାଡି ଚାଲିଗଲେ ବୋଲି

ଜେଜେମା ସବୁବେଳେ କହନ୍ତି

କହି କହି ପୁଣି କାନ୍ଦି ପକାନ୍ତି ॥

ଭାରୀ ସତ୍ୟବାଦିନୀ ମହିଳା

ମିଛ କହିଲେ ରାଗିଯାଆନ୍ତି

କହନ୍ତି ଦଶ ନାତୁଣୀ ଛଅ ନାତି

ଲୂହ ପୋଛିବାକୁ କେହୀ ନାହାଁନ୍ତି ।

ସେ ଅନେକ ଥର ଗୀତ ଶୁଣାନ୍ତି

ଶୋଇବାବେଳେ ଗପଟି କହନ୍ତି

ଗପ ନ ଶୁଣିବାଯାଏଁ ଚେଇଁରହୁ

ଏକଥା ସେ ଭାରୀ ଡରନ୍ତି ॥

ଦିନେ ଆମକୁ ବୁଝାଇବା ବାହାନାରେ

ଆଠଓଲା ଗପ ଟି କହିଥିଲେ

ସେ କଥା ମୁଁ ଆଜିଯାଏଁ ମନେ ରଖିଛି

କଣ ହେଲା ସେ ଆଜି ନଥିଲେ ॥

ଅଜାଆଇ ,ଟୁଆଁଟୁଇଁ,ସାଧବବୋହୁ

ଜହ୍ନମାମୁଁ ଗପ ସହ ବୁଢୀ ଅସୁରୁଣୀ

ସେ ଗପ ଆଜି କାହା ଜେଜେ କହନ୍ତିନି

ନାତି ନାତୁଣୀ ମନ ବି ବୁଝନ୍ତିନି ।

ଆଗର ଜେଜେ ମା ପୁଣି ଫେରି ପାନ୍ତିକି

ନାନାବାୟା ଗପ ଶୁଣି ପିଲାଙ୍କୁ କହିଥାନ୍ତି

ଧୋ ରେ ବାୟା ଧୋ,ବାଈଚଢେଇ ଗୀତ ଶୁଣି

ଖୁସିରେ ଯେ ମୁଁ ନାଚୁଥାନ୍ତି ଖେଳୁଥାନ୍ତି ॥