Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Maheswar sahoo

Others

4  

Maheswar sahoo

Others

ମୋ ଗାଁଆ

ମୋ ଗାଁଆ

1 min
264



ସମୟ ତାଳରେ,   ତାଳକୁ ମିଳାଇ,

     ସଭ୍ୟତା ବଦଳୁ ଅଛି ।

ଗାଁଆ ମୋର ଆଜି,ନୂଆରଙ୍ଗ ନେଇ,

    ସହର ପରି ଲାଗୁଛି ।।

ମନ୍ଦିର ତ ଅଛି,   ନାହିଁ ପୂଜା ପାଠ,

     ଭକ୍ତି ନାହିଁ ହୃଦେ କାର ।

ସତ୍ୟପଥ ଛାଡି,    ଅଧର୍ମ ମାର୍ଗକୁ,

     କରନ୍ତି ଜନ ଆଦର ।।

ଆମ୍ବ ତୋଟା ନାହିଁ, ନାହିଁ ବଣ ବୁଦା,

    ନାହିଁ ସେ ବର ଓହଳ ।

ଜାଗା ଜାଗା ହୋଇ,କଳି ଝଗଡାରେ,

    ଅଶାନ୍ତିର ଚାଲେ ଖେଳ ।।

ବର କୋଳି ନାହିଁ,  କଇଥ ବି ନାହିଁ,

     ନାହିଁ ପିଜୁଳିର ଗଛ ।

ଶାଶୁ ବୋହୁ କଳି,  ବାପା ପୁଅ କଳି,

    ଜିତୁଛି କେବଳ ମିଛ ।।

ହସ୍ତେ ମୋବାଇଲ,ଚକ୍ଷୁରେ ଏଲସିଡ,

    ପାଦେ ବାଇକିର ବ୍ରେକ ।

ପଲଙ୍କ ସେଜରେ,  ତାପ ନିୟନ୍ତ୍ରଣ,

    ସ୍ୱର୍ଗ ସୁଖର ଏ ଭେକ ।।

ପକ୍କା ପିଚୁ ରାସ୍ତା,   ବିଜୁଳି ଆଲୁଅ,

     ସହର ଭଳି ଲାଗଇ ।

ସବୁ ଥାଇ ମଧ୍ୟ,   ନାହିଁ ହସ ଖୁସି,

    ଏକତା କାହାର ନାଈଁ ।।

ଏଇ ଗାଁଆ ମୋର, ଜନମ ଭୂଇଁ ଯେ,

    ମାଟିକୁ ତାର ପ୍ରଣାମ ।

ବଞ୍ଚି ଥିବା ଯାଏ,    କରି ସତକର୍ମ,

    ରଖିବି ତାହାର ନାମ ।।



Rate this content
Log in