ମୋ ଦେଶ ଭାରତ

ଧର୍ମ ଦର୍ଶନର   ତ୍ଯାଗ କ୍ଷେତ୍ର ଅଟେ

    ପବିତ୍ର ଭାରତ ଭୂଇଁ

ତାହାରି କୋଳରେ   ଜନମି ଥିବାରୁ

     ଗଉରବ ଆମ ପାଇଁ ।

ବୀର ମହାବୀର   ମହାପୁରୁଷଙ୍କ

    ଅଟଇ ଜନମ ସ୍ଥାନ

ଏ ଦେଶ ମାଟିରେ   ରହି ଆସିଅଛି

    ସେମାନଙ୍କ ଅବଦାନ ।

ତାଙ୍କ ଆଦର୍ଶରେ   ବଢ଼ି ଆସୁଅଛୁ

    ସରବେ ଭଉଣୀ ଭାଇ ।

ସହିଛି ଭାରତ   ଘାତ ପ୍ରତିଘାତ

    ବୈଦେଶିକ ଆକ୍ରମଣ

ମାତୃଭୂମି ପାଇଁ   ଏ ଦେଶ ଭକତ

     ଦେଇଗଲେ ନିଜ ପ୍ରାଣ ।

ଭାରତ ଜନନୀ   ସ୍ବାଧୀନ ହୋଇଛି

    ତାଙ୍କ ବଳିଦାନ ପାଇଁ ।

ଭାରତ ମାତାର   ଜୀବନୀ ଅମର

    ପ୍ରାଣ ଶକ୍ତି ଅଫୁରନ୍ତ

ରୀତିନୀତି ସବୁ   ଆଦର୍ଶ ଅଟଇ

   ସଂସ୍କୃତି ଅଟେ ଜୀବନ୍ତ ।

ଭାରତ ମହାନ   ଏହିଭଳି ଦେଶ

    ସାରା ଜଗତରେ ନାହିଁ ।