ମୋ ବିଦ୍ୟାଳୟ

କେଡେ ସୁନ୍ଦର ମୋ ବିଦ୍ୟାଳୟ

ସୁନ୍ଦର ତା' ହତା,

ପ୍ରତ୍ୟେକ ଦିନ ଧାଡିରେ ରଖୁ

ସଜାଡି କରି ଜୋତା।

ଧାଡିରେ ଯାଇ ପ୍ରାର୍ଥନା କରୁ

ଭକତି ରଖି ମନେ,

କଳି କଜିଆ ଗାଳି ଗୁଲଜ

ନ କରୁ କେହି ଜଣେ।

ଶ୍ରେଣୀ ଗୃହରେ ପାଟି ନ କରି

ଦଳରେ ପଢୁ ବସି,

ଅବୁଝା ପାଠ ଗୁରୁଜୀ ଆମ

ବୁଝାନ୍ତି ହସି ହସି।

ଖେଳ ଛୁଟିରେ ସଭିଏଁ ଖେଳୁ

କବାଡି, ଲୁଚକାଳୀ

ଫୁଲ ବଗିଚାରେ ପାଣି ଦିଅଉ

ଯତନେ କରି ଢାଳି।

ଛୁଟି ବେଲଟି ବାଜିଲେ ପୁଣି

ବସ୍ତାନୀ କାନ୍ଧେ ଭରି,

ସାଙ୍ଗ ହୋଇଣ ଘରକୁ ଚାଲୁ

ହାତକୁ ହାତ ଧରି।