ମୋ ବାପା

ବାପା ମୋ ପାଇଁ ଆକାଶ ସମ

ସହାରା ଦେଉଥାନ୍ତି

ସତ୍ୟ ପଥରେ ଚାଲିବା ପାଇଁ

ମୋତେ ଶିଖାଉଥାନ୍ତି ।

ସବୁ କଷ୍ଟକୁ ଛାତିରେ ଚାପି

ମୋପାଇଁ ହସୁଥାନ୍ତି

ମୋତେ ମନୁଷ କରିବା ପାଇଁ

ସର୍ବଦା ଲାଗିଥାନ୍ତି ।

ଶିଖାନ୍ତି ମୋତେ ଅନେକ କଥା

ଜୀବନେ ଶାନ୍ତି ପାଇଁ

ନିଜ ସ୍ୱାର୍ଥରେ ଅନ୍ୟକୁ କେବେ

ଆଘାତ ଦେବୁ ନାହିଁ ।

ଅନ୍ୟ ଧନରେ ମନରେ କେବେ

ଲୋଭ ଆଣିବୁ ନାହିଁ

ଲୋଭ ଯେ ଅଟେ ମୃତ୍ୟୁ କାରଣ

ମନେ ରଖିବୁ ତୁହି ।

ଯାହା କରିବୁ ନିଜ ଉଦ୍ୟମେ

ନିଜର ବୁଦ୍ଧି ବଳେ

ଜୀବନେ ତୁହି ଖୁସିରେ ଥିବୁ

ପଡ଼ିବୁ ନାହିଁ ତଳେ ।

ଚାଲୁଛି ମୁହିଁ ଜୀବନେ ପଥେ

ମାନି ବାପାଙ୍କ ଶିକ୍ଷା

ସେହି ଶିକ୍ଷାକୁ କରିଛି ମୁହିଁ 

ଜୀବନେ ମୋର ଦୀକ୍ଷା ।