ମନର୍ ରାଧା
ମନର୍ ରାଧା
ଆଗୋ ପେରେମ୍ ମୟୀ
ସୁଖ୍ ରସ୍ ମୟୀ
ପୁଇନ୍ ଆତ୍ ମା ନାୟିକା,
କୋଟି ଜନମ୍ ପରେ
ଭେଟ୍ ଲିଁ ପୂର୍ ଥୀ ନେ,
ଝୁରୀ ଶାନ୍ ତି ପାଏସି
ଇଖେନ୍ ସମିଆନେ ।
ବାହି ପୀର୍ ତି ନଉକା ।
କବିତାରେ ମୋର୍
ଲାକ୍ଷେ ଭାବ୍ ଦେଇ
ଧନ୍ ବାନ୍ କଲୁଁ ପ୍ରିୟା,
ଇଥିର୍ ଲାଗି ଭଲ୍ ପାଏସି
ମୁଡେ ଆର୍ ଚିତ୍ତେ,
ଜଗତ୍ ଜାନିଛେ
ପୁଇନ୍ ଏକା ମର୍ ତେ ।
ଭାବ୍ ପୀର୍ ତି ଦିଆନିଆ ।
ମୋତେ ଭଲ୍ ପାଇ
ନିଜର୍ କରି
ଶହେ ନିନ୍ଦା ଯେ' ପାଏଲା,
ଜଗତ୍ ତାହାକେ
ଯାହା ପଛେଁ କହୁ,
ଦୂରେଇ ନାଇଁ ଦିଏ
ତା'କେ ମୋର ସ୍ନେହୁ ।
ରଖ୍ ମିଁ ନାଇଁ ଭୁଖା ।
ଲାକ୍ଷେ ଉପ୍ ହାର୍
ତାହାକେ ଦେମି
ହୁରୁଦ୍ ଯାହାକେ ଚାହେଁ,
ନିରବ୍ ଥିଁ ଯାର୍
କଥା କହିଁ କହିଁ,
ବିରହର୍ ଗୀତ୍
ମୁହେଁ ଗାଇ ଗାଇ ।
ଯାହାର୍ ଲାଗି ପୀଡା ସହେଁ ।
ଧରିଦେଲେଁ ହାଏ
ପ୍ରେୟସୀର୍ ପାଦ୍
କୋଟି ନିନ୍ଦା ଯହିଁ ଫଲେ,
ଲୋଡା ନାଇଁ ମୋର୍
ସେଏନ୍ତା ସଂସାର୍,
ପେରେମ୍ କେ' କହେସନ୍
ପାପ୍ ଆଉର୍ ଜହର୍ ।
ଛିଁ ଦେଲେ ଫଲ୍ ମିଲେ ।
( ଶୂନ୍ ଶୂନ୍ ମହାଶୂନ୍
ମନ୍ ରେ ଭର୍ ଲ ପୀର୍ ତି,
ତମର୍ ଲାଗି ହାଏ ଗୋ ସତୀ
ରଖ୍ ମିଁ ପେରେମ୍ କୀର୍ ତି । )
ପ୍ରେମ ସମ୍ରାଟ ଲକ୍ଷ୍ମଣ କୁମାର ବେହେରା (ଯତି)
ପ୍ରତିଷ୍ଠାତା ଓ ମୁଖ୍ୟ ସଂପାଦକ
ପ୍ରେମ
ଏକ ପରିବର୍ତ୍ତନର ସ୍ବର •••
କବି କୁଟୀର, ଦଣ୍ଡାସିଂହା
ବାରକୋଟ, ଦେବଗଡ ( ଓଡିଶା )
ପିନ୍- ୭୬୮୧୦୮
[ " ପେରେମ୍ ଏକ୍ ଏନ୍ତା ପ୍ରତିଯୋଗୀତା
ତହିଁରେ ଯେ' ଜିତ୍ ସି ସେ ସଦା ହାର୍ ସି,
ଆର୍ ହାରି ଯାଏସି ଯିଏଁ ପାଇ ଯାଏସି ସବୁଁ
ନିଜର୍ ହୁର୍ ଦେ ଯାହା ଚାହେଁସି । " ]