ମଣୁଛି ନିଜକୁ ଧନ୍ୟ

ନାନା ଓଷାବ୍ରତ ଭରି ରହିଅଛି

ଆମ ଏଇ ଉତ୍କଳରେ,

ଐତିହ୍ୟ ସଂସ୍କୃତି ଯୁଗଯୁଗ ପାଇଁ

ଲିପିବଦ୍ଧ ସ୍ଵର୍ଣ୍ଣାକ୍ଷରେ ।

ଚାରିଦିଗେ ତେତିଶକୋଟି ଦେବତା

ବେଢି ରହିଛନ୍ତି ପରା,

ପୂର୍ବପୁରୁଷ ଆମ ସୁଖଶାନ୍ତି ପାଇଁ

ପ୍ରଚଳନେ ଏହି ଧରା ।

ପଣାସଂକ୍ରାନ୍ତି,ବାସନ୍ତୀ ଦଶହରା

ଘୋଡାନାଚ ନାବପୂଜା,

ଚନ୍ଦନଯାତ୍ରା ଶୀତଳ ଷଷ୍ଠୀ ରଜ ସାବିତ୍ରୀ ଓଷା ।

ବସୁମତୀସ୍ନାନ ପୂର୍ଣ୍ଣିମା ଯେ ଦେବସ୍ନାନ,

ଶ୍ରୀଗୁଣ୍ଡିଚା ରଥଯାତ୍ରା ସୁଦଶା ବାହୁଡା ସୁନାବେଶେ ମନ

ଗୁରୁପୂର୍ଣ୍ଣିମା ଚିତାଲାଗି ଯାତ୍ରା ତ ଝୁଲଣ,

ଖୁଦୁରୁକୁଣୀ ନୂଆଖାଇ ଗଣେଶ ପୂଜାପୟ ପୁଣି ବଳଦେବ ଜନ୍ମ ।

ଗୁରୁଦିବସ ରାଧାଷ୍ଟମୀ ତାଳନବମୀ ସୁନିଆଁ,

ଅନନ୍ତବ୍ରତ ବାମନଜନ୍ମ ମୂଳାଷ୍ଟମୀ ପୂଜା ବିଶ୍ଵକର୍ମା ।

ମହାଳୟା ଶାସ୍ତ୍ରୀ ଗାନ୍ଧୀଜୟନ୍ତୀ ଦୁର୍ଗାଷ୍ଟମୀ ଦଶହରା,

କୁମାରୋତ୍ସବ ଗଜଲକ୍ଷ୍ମୀ ପୂଜା ଗର୍ଭଣା ସଂକ୍ରାନ୍ତି କାଳୀପୂଜା ହୁଏ ପରା ।

ନାଗପଞ୍ଚମୀ ଗୋଷ୍ଠାଷ୍ଟମୀ ଜଗଦ୍ଧାତ୍ରୀ ଅଁଳାନମୀ,

ସୁଦଶାବ୍ରତ ବଡ଼ଓଷା ବାଲିଯାତ୍ରା ରାସପୂର୍ଣ୍ଣମୀ ।

ଛାଡଖାଇ ଶିଶୁଦିବସ କାର୍ତ୍ତିକେୟ କାଞ୍ଜିଅଁଳା ଓଷା,

ପ୍ରଥମାଷ୍ଟମୀ ଗୀତାଜୟନ୍ତୀପୁଣି ହୁଏ ପଣ୍ଡୁଓଷା ।

ଗୁରୁପୂର୍ଣ୍ଣିମା ବାଟଓଷା ଧନୁସଂକ୍ରାନ୍ତି ଲକ୍ଷ୍ମୀ ନାରାୟଣ ପୂଜା,

ବକୁଳ ଅମାବାସ୍ୟା ବଡ଼ଦିନ ମକର ପୋଙ୍ଗଲ ଶାମ୍ବଦଶମୀ ପୂଜା ।

ପୌଷପୂର୍ଣ୍ଣିମା ଓଳାଶୁଣୀ ମେଳା ବରଦା ଗଣେଶ ଶ୍ରୀପଞ୍ଚମୀ,

କୁମ୍ଭସଂକ୍ରାନ୍ତି ଅଗ୍ନୁତ୍ସବ ଗୁଣ୍ଡୁଣୀ ମାଘସପ୍ତମୀ ।

ମହାଶିବରାତ୍ରି ଦୋଳପୂର୍ଣ୍ଣିମା ଫଗୁଣ ରେ ଫଗୁ ହୋରି,

ଆମ ଐତିହ୍ୟ ଆମ ପରମ୍ପରା ଗର୍ବ ଆଣେ ଆହୁରି ।

ସବୁ ଐତିହ୍ୟ ପରମ୍ପରା ନେଇ ଆମେ ସବୁ ଭାରତୀୟ,

ଏମିତି ସଂସ୍କୃତି କେଉଁଠି ଜଗତେ 

ଦେଖି ନାହିଁ ଏ ନୟନ ଦ୍ଵୟ ।

ଆସ ସର୍ବେ ଆମେ ହାତ ହାତ ରଖି

ଏକମନ ଏକପ୍ରାଣେ,

ରଖିବା ଅକ୍ଷୁର୍ଣ୍ଣ ପାଳନ କରିବା ସଦା 

ଗୁଣୁଗୁଣେଇବା ମନେ ।

ଗରବେ କହିବା ସରବେ ତ ଆମେ 

ଭାରତୀ ମା ସନ୍ତାନ,

ହସଖୁସି ଆନନ୍ଦରେ ବାହି ନେବା

ନରଖି ମନେ ମାନ ଅଭିମାନ ।

ମହାନ ଆମର ପବିତ୍ର ସଂସ୍କୃତି ଭାଇଚାରାର ଏ ଦେଶ,

ଧନ୍ୟ ମଣୁଛି ନିଜକୁ ଆଜି ମୁଁ କରି ଏହିଠାରେ ବାସ ।